കൺസ്യൂമർഫെഡ് ജീവനക്കാർ ധർണ നടത്തി

കോഴിക്കോട്: വിവിധ ആവശ്യങ്ങൾ ഉന്നയിച്ച് കൺസ്യൂമർഫെഡ് എംപ്ലോയീസ് അസോ.(ഐ.എൻ.ടി.യു.സി) ജില്ല കമ്മിറ്റിയുടെ നേതൃത്വത്തിൽ മുതലക്കുളത്തെ കൺസ്യൂമർഫെഡ് കോഴിക്കോട് റീജനൽ ഓഫിസിന് മുൻവശം ധർണ നടത്തി. ധർണ ഡി.സി.സി ജനറൽ സെക്രട്ടറി നിജേഷ് അരവിന്ദ് ഉദ്ഘാടനം ചെയ്തു. ജില്ല പ്രസിഡൻറ് ബിയേഷ് അധ്യക്ഷനായിരുന്നു. സംസ്ഥാന വൈസ് പ്രസിഡൻറ് വി.പി. ഉസ്മാൻ, ജോ. സെക്രട്ടറി സി.പി. അലി,സംസ്ഥാന കമ്മിറ്റി അംഗം ബിതേഷ് സൗഭാഗ്യ, ഗംഗാധരൻ പട്ടേരി, കൺസ്യൂമർഫെഡ് വർക്കേഴ്സ് ഫെഡറേഷൻ സെക്രട്ടറി പി. സുഭാഷ് തുടങ്ങിയവർ സംസാരിച്ചു. ജില്ല സെക്രട്ടറി പി.കെ. ഗംഗാധരൻ സ്വാഗതവും ജോയൻറ് സെക്രട്ടറി പി. അനൂപ് നന്ദിയും പറഞ്ഞു.