പ്രകൃതി ദുരന്തം: നഷ്​ടപരിഹാരം വർധിപ്പിക്കണം -കെട്ടിട ഉടമകൾ

കോഴിക്കോട്: പ്രകൃതി ദുരന്തത്തിലകപ്പെട്ടവർക്കും നാശനഷ്ടം സംഭവിച്ച കെട്ടിട ഉടമകൾക്കും മതിയായ നഷ്ടപരിഹാരം നൽകണമെന്ന് കേരള ബിൽഡിങ് ഓണേഴ്സ് വെൽഫെയർ അസോസിയേഷൻ സംസ്ഥാന കൗൺസിൽ യോഗം ആവശ്യപ്പെട്ടു. വർക്കിങ് പ്രസിഡൻറ് സലാഹുദ്ദീൻ കണ്ണൂർ അധ്യക്ഷത വഹിച്ചു. സംസ്ഥാന പ്രസിഡൻറ് പഴേരി ഷരീഫ് ഹാജി, ട്രഷറർ തയ്യിൽ ഹംസ, ജന. സെക്രട്ടറി നടരാജൻ പാലക്കാട്, ഓർഗനൈസിങ് സെക്രട്ടറി പി.പി. അലവിക്കുട്ടി, സീനിയർ വൈസ് പ്രസിഡൻറ് കെ.വി. അബ്ദുറഹിമാൻ ഹാജി എന്നിവർ സംസാരിച്ചു.