ബസിൽ സ്വർണമാല കവരാൻ ശ്രമിച്ച യുവതി പിടിയിൽ

കൊയിലാണ്ടി: ബസ് യാത്രക്കാരിയുടെ സ്വർണമാല കവരാൻ ശ്രമിച്ച യുവതിയെ പൊലീസ് അറസ്റ്റ് ചെയ്തു. തമിഴ്നാട് മാരിയമ്മൻ കോവിൽ ലാൽക്കുടി നിത്യ (27) ആണ് ആറു പവ​െൻറ മാല മോഷ്ടിക്കാനുള്ള ശ്രമത്തിനിടെ പിടിയിലായത്. ബസുകളിലും തിരക്കുള്ള ഇടങ്ങളിലും മോഷണം നടത്തുന്ന സംഘത്തിലെ അംഗമാണ് ഇവരെന്ന് പൊലീസ് പറഞ്ഞു. നിത്യയുടെ മൊബൈൽ ഫോൺ കേന്ദ്രീകരിച്ച് അന്വേഷണം നടത്തുകയാണ് പൊലീസ്. എസ്.ഐമാരായ സാജു എബ്രഹാം, ആബിദ്, മോഹൻദാസ്, എസ്.സി.പി.ഒ. അജിത്കുമാർ എന്നിവർ ചേർന്നാണ് പ്രതിയെ പിടികൂടിയത്.