തെരുവൻ പറമ്പിൽനിന്ന് സ്​റ്റീൽ ബോംബ് കണ്ടെത്തി

നാദാപുരം: തെരുവൻ പറമ്പ് സി.പി.എം ഓഫിസ് പരിസരത്തെ റോഡിനോട് ചേർന്ന പറമ്പിൽ നിന്ന് സ്റ്റീൽ ബോംബ് കണ്ടെത്തി. ശനിയാഴ്ച രാവിലെ ഏഴു മണിയോടെയാണ് നാട്ടുകാർ ബോംബ് കണ്ടത്. സി.പി.എം ഓഫിസിന് മുന്നിൽ തെരുവൻ പറമ്പ് ജങ്ഷനിൽ നിർമാണത്തിലിരിക്കുന്ന ഓവുപാലത്തിന് സമീപത്തെ പറമ്പിൽ ആളുകൾക്ക് ഒറ്റനോട്ടത്തിൽ കാണത്തക്കവിധമായിരുന്നു ബോംബ് കിടന്നിരുന്നത്. നാദാപുരം എസ്.ഐ പ്രജീഷി​െൻറ നേതൃത്വത്തിൽ പൊലീസ് സ്ഥലത്തെത്തി പരിശോധന നടത്തി. ബോംബ് സ്ക്വാഡ് ബോംബ് കസ്റ്റഡിയിലെടുത്ത് നിർവീര്യമാക്കി. സ്റ്റീൽ പാത്രത്തിനകത്ത് വെടിമരുന്നും കുപ്പിച്ചില്ലും നിറച്ചിരുന്നെങ്കിലും കാലപ്പഴക്കമുള്ളതിനാൽ പൊട്ടിയില്ല. കഴിഞ്ഞ ദിവസം തൊട്ടടുത്തുള്ള ലീഗ് ഓഫിസിന് നേർക്ക് ബോംബ് ആക്രമണം നടന്നിരുന്നു. ഇതിനാൽ പൊലീസ് സ്ഥലത്ത് ക്യാമ്പ് ചെയ്യുകയാണ്. ഇതിനിടെയാണ് ബോംബ് കണ്ടെത്തുന്നത്.