കാഷ് അവാർഡ്​ വിതരണവും അനുമോദനവും

നാദാപുരം: മുൻ എം.എൽ.എയും സഹകാരിയും എടച്ചേരി സർവിസ് സഹകരണ ബാങ്ക് പ്രസിഡൻറുമായിരുന്ന ഇ.വി. കുമാര‍​െൻറ സ്മരണക്കായി ഏർപ്പെടുത്തിയ കാഷ് അവാർഡുകളും ഉപഹാരങ്ങളും വിതരണം ചെയ്തു. എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം കരസ്ഥമാക്കിയ വിദ്യാർഥികളെയാണ് എടച്ചേരി സർവിസ് സഹകരണ ബാങ്കി​െൻറ ആഭിമുഖ്യത്തിൽ അനുമോദിച്ചത്. ജില്ല പഞ്ചായത്ത് അംഗം പി.കെ. ശൈലജ ഉദ്ഘാടനം ചെയ്തു. പി.കെ. ബാലൻ അധ്യക്ഷത വഹിച്ചു. ഗ്രാമപഞ്ചായത്ത് പ്രസിഡൻറ് ടി.കെ. അരവിന്ദാക്ഷൻ, വൈസ് പ്രസിഡൻറ് കെ.ടി.കെ. ഷൈനി, ഒ.പി. നിധീഷ്, ടി.കെ. മോട്ടി, പി. രാജ് കുമാർ, എം. വേണുഗോപാലക്കുറുപ്പ്, വി. കുഞ്ഞിക്കണ്ണൻ, എം.കെ. പ്രേംദാസ്, സി. സുരേന്ദ്രൻ, ടി.കെ. അമ്മദ്, കെ.പി. ഗോപാലൻ, രാജീവ് വള്ളിൽ, സി.കെ. ദിനേശൻ, കെ.ടി.കെ. കൃഷ്ണൻ എന്നിവർ സംസാരിച്ചു.