ലീഗ് ഓഫിസിനു നേരെ ബോംബേറ്: 'പൊലീസ് നിസ്സംഗത വെടിയണം​'

നാദാപുരം: കഴിഞ്ഞ ദിവസം തെരുവംപറമ്പ് ലീഗ് ഓഫിസിനു നേരെയുണ്ടായ ബോംബേറിനെക്കുറിച്ച് സമഗ്രമായ അന്വേഷണം നടത്തണമെന്ന് നാദാപുരം നിയോജക മണ്ഡലം യൂത്ത് ലീഗ് ജനറൽ സെക്രട്ടറി സി.കെ. നാസർ ആവശ്യപ്പെട്ടു. മേഖലയിൽ കുറച്ച് നാളുകളായി ഉണ്ടായിക്കൊണ്ടിരിക്കുന്ന ബോംബ് സ്ഫോടനങ്ങളെക്കുറിച്ച് അന്വേഷണം നടത്തി കുറ്റക്കാരെ കണ്ടെത്തുന്നതിൽ പൊലീസ് കാണിക്കുന്ന അലംഭാവംകൊണ്ടാണ് വീണ്ടും ഇത്തരം സംഭവങ്ങൾ ആവർത്തിക്കുന്നത്. നിസ്സംഗത വെടിഞ്ഞു കുറ്റക്കാരെ നിയമത്തി​െൻറ മുന്നിൽ കൊണ്ടുവരാൻ പൊലീസ് തയാറാകണമെന്നും അദ്ദേഹം ആവശ്യപ്പെട്ടു.