പാത്തിപ്പാറ കുന്നികൂട്ടം റോഡ് മഴവെള്ളപ്പാച്ചിലിൽ തകർന്നു

നടുവണ്ണൂർ: കോട്ടൂർ പഞ്ചായത്തിലെ സോളിങ് ചെയ്ത പഴക്കംചെന്ന റോഡുകളിൽ ഒന്നായ പാത്തിപ്പാറ-കുന്നിക്കൂടം റോഡ് മഴവെള്ളപ്പാച്ചിലിൽ തകർന്നു. മലയോര കർഷകരുടെ ഏക ആശ്രയമായിരുന്നു പാത്തിപ്പാറ റോഡ്. 18 വർഷം മുമ്പ് സോളിങ് ചെയ്ത ഈ റോഡ്, വർഷാവർഷം നാട്ടുകാരുടെ ശ്രമദാനമായി നന്നാക്കാറുള്ളതുമാണ്. കഴിഞ്ഞ വർഷം പെയ്ത മഴയിൽ ഉരുൾപൊട്ടലിനു സമാനമായ രീതിയിൽ മഴവെള്ളവും കല്ലുകളും ഒഴുകിയത് ഈ മേഖലയിൽ കനത്ത നാശം വിതച്ചതാണ്. 1983ൽ വലിയ ഉരുൾപൊട്ടലിനു സാക്ഷ്യംവഹിച്ച ഈ മേഖല ഇപ്പോൾ ഉരുൾ പൊട്ടൽ ഭീഷണിയിലാണ്. ഇതി​െൻറ ഭാഗമായി മൂന്ന് കുടുംബെത്ത നാട്ടുകാർ മാറ്റിത്താമസിപ്പിച്ചിട്ടുണ്ട്.