കുന്നുമ്മലിൽ വീട് തകർന്നു; നിരവധിയിടങ്ങളിൽ വെള്ളം കയറി

കക്കട്ടിൽ: കുന്നുമ്മൽ പഞ്ചായത്തിലെ കുളങ്ങരത്ത്, വട്ടോളി, പാതിരിപ്പറ്റ അമ്പലകുളങ്ങര ഭാഗങ്ങളിൽ കനത്ത മഴയിൽ വ്യാപകമായി വെള്ളം കയറി ഒരു വീട് പൂർണമായും നിലംപതിച്ചു. കുളങ്ങത്ത് പാലത്തിങ്കൽ അബ്ദുല്ലയുടെ വീടാണ് നിലംപതിച്ചത്. അബ്ദുല്ലയും കുടുംബവും വീട്ടിൽനിന്ന് മാറി നിൽക്കുകയായിരുന്നു. നാട്ടുകാർ രക്ഷാപ്രവർത്തനം നടത്തി. കുളങ്ങരത്ത് ഫാത്തിമ മസ്ജിദ്, പി.സി. മൊയ്തു ഹാജിയുടെ വീട്, പാതിരിപ്പറ്റ പാലോം കുനി മോഹനൻ, രാജൻ എന്നിവരുടെ വീടുകൾ, വട്ടോളി ഒതയോത്ത് താഴെ റോഡ്, പുളിയങ്കൂൽ താഴെ വയൽ, അമ്പലകുളങ്ങയിലെ താഴ്ന്ന പ്രദേശങ്ങൾ എന്നിവിടങ്ങളിൽ വെള്ളം കയറി. ഗ്രാമപഞ്ചായത്ത് പ്രസിഡൻറ് കെ.ടി. രാജൻ, വാർഡ് അംഗം സി.വി. അഷ്റഫ് എന്നിവർ സ്ഥലത്തെത്തി.