അത്തറിൻ നറുമണവുമായി അബ്​ദുറഹിമാൻക്ക

ഓമശ്ശേരി: അത്തറില്ലാത്ത പെരുന്നാൾ നാട്ടിൻ പുറങ്ങളിലെ സാധാരണക്കാരന് ഓർക്കാൻപോലും കഴിയില്ല. ഓമശ്ശേരിയിൽ 31 വർഷമായി ചെറിയവർക്കും വലിയവർക്കും പെരുന്നാളി​െൻറ വരവറിയിച്ച് മുറതെറ്റാതെ പി.എ. അബ്ദുറഹ്മാൻ എന്ന അബ്ദുറഹ്മാൻക്ക എത്തും. പണക്കാരന് മാത്രം എത്തിപ്പിടിക്കാനും ഉപയോഗിക്കാനും കഴിയുന്ന ഉയർന്ന വിലയുള്ള സുഗന്ധദ്രവ്യങ്ങൾ സാധാരണക്കാര​െൻറ കുടിലുകളിലുമെത്തിക്കുക എന്നതാണ് പെരുന്നാളുകൾക്ക് മാത്രമായി വ്യാപാരം നടത്തുന്നതി​െൻറ ലക്ഷ്യമായി അബ്ദുറഹിമാൻക്ക മനസ്സിലാക്കുന്നത്. സ്വദേശിയും വിദേശിയുമടക്കം വ്യത്യസ്തങ്ങളായ കമ്പനികളുടെ പെർഫ്യൂമുകളാണ് ഇവിടെ വിൽപനക്കെത്തിക്കുന്നത്. വർഷങ്ങളുടെ പരിചയമുണ്ടായതുകൊണ്ട് നാട്ടുകാർക്കും പേരുകൾ സുപരിചിതം. കൽക്കർ, ബ്രൂട്ട് മസ്ക്, ഫാൻസി ബക്കറ്റ്, മജ്മഅ‌ 96, ഫോഗ്, റസീഖ് തടങ്ങിയവയാണ് വിതരണത്തിനെത്തിക്കുന്ന പ്രധാന സ​െൻറുകൾ. ചെറിയ വിലക്ക് ആർക്കും വാങ്ങാൻ കഴിയുന്ന രീതിയിലാണ് ഇവയുടെ വിലയിട്ടിരിക്കുന്നത്. വയസ്സ് 78 കടന്നിട്ടും വാർധക്യത്തി​െൻറ അല്ലലുകൾ അലട്ടാതെ എപ്പോഴും കർമനിരതനാണ് അബ്ദുറഹിമാൻക്ക. ജനങ്ങൾക്കിടയിൽതന്നെ ശിഷ്ടകാലവും പെരുന്നാളറിയിപ്പ് സുഗന്ധം പരത്തണമെന്നാണ് അദ്ദേഹത്തി​െൻറ ആഗ്രഹം. photo: ommasseri ather.jpg ഓമശ്ശേരി ബസ്സ്റ്റാൻഡിൽ അത്തർ വിൽപന നടത്തുന്ന അബ്ദുറഹിമാൻക്ക