ഒന്നാംക്ലാസിൽ മൂന്ന്​ ജോടി ഇരട്ടകൾ

ബാലുശ്ശേരി: എ.യു.പി സ്കൂളിൽ പുതിയ അധ്യയന വർഷത്തിൽ ഒന്നാംക്ലാസിലേക്കെത്തിയത് മൂന്ന് ജോടി ഇരട്ടകൾ. ശ്രീലക്ഷ്മി-ശ്രീദേവി, അനാമിക-അവന്തിക, പാർഥിപ്-പാർവൺ എന്നീ ഇരട്ട കുരുന്നുകൾ ക്ലാസിലെത്തിയതോടെ കുട്ടികൾക്കും അധ്യാപകർക്കും കൗതുകമായി. ആദ്യമായി സ്കൂളിലെത്തിയതി​െൻറ പരിഭ്രാന്തിയൊന്നും ഇവർക്കില്ലായിരുന്നു. മധുരമിഠായികളും ബലൂണും പുസ്തക കിറ്റുകളും ലഭിച്ചതോടെ ആറുപേരും ഒരേ ക്ലാസിൽ അടുത്തടുത്തിരുന്ന് പുത്തൻ ഉടുപ്പുകളിലെയും ബലൂണി​െൻറയും വർണങ്ങൾ കൂട്ടുകാരെ കാണിച്ച് ആസ്വദിക്കുകയായിരുന്നു. ഒരേ ക്ലാസിൽ മൂന്ന് ജോടി ഇരട്ടകൾ ഒരുമിച്ച് ചേർന്നത് സ്കൂളി​െൻറ ചരിത്രത്തിൽ ആദ്യമാണെന്നാണ് അധ്യാപകർ പറയുന്നത്. കെ.പി. മനോജ്കുമാറി​െൻറയും സീമയുടെയും മക്കളാണ് ശ്രീലക്ഷ്മിയും ശ്രീദേവിയും. അനാമികയും അവന്തികയും ജിനീഷ്-ഷൈലജ ദമ്പതികളുടെയും പാർഥിപും പാർവണും സായൂജ്-നീതു ദമ്പതികളുടെ മക്കളുമാണ്. കനത്ത കാറ്റിലും മഴയിലും വീട് തകർന്നു ബാലുശ്ശേരി: കനത്ത കാറ്റിലും മഴയിലും വീട് പൂർണമായും തകർന്നു. കണ്ണാടിപ്പൊയിൽ പൂമഠത്തിൽ മീത്തൽ വിജയ​െൻറ ഒാടിട്ടവീടാണ് തകർന്നത്. ബുധനാഴ്ച ഉച്ചക്ക് 12 മണിയോടെ ശക്തമായ കാറ്റിൽ വീടി​െൻറ മേൽക്കൂര തകർന്നുവീഴുകയായിരുന്നു. ടി.വി. ഉൾപ്പെടെ ഉപകരണങ്ങൾ പാടെ തകർന്നിട്ടുണ്ട്. അപകടസമയത്ത് വിജയ​െൻറ ഭാര്യയും മകളും പുറത്തായിരുന്നതിനാൽ കൂടുതൽ ദുരന്തങ്ങളൊന്നും ഉണ്ടായില്ല. കൂലിവേലക്കാരനായ വീജയനും സ്ഥലത്തില്ലായിരുന്നു. അവിടനല്ലൂർ വില്ലേജ് ഒാഫിസർ, വാർഡ് മെംബർ കെ.കെ. സജിത് എന്നിവർ സ്ഥലം സന്ദർശിച്ചു.