സൂരജി​െൻറ മരണം നന്മണ്ടയെ ദുഃഖത്തിലാഴ്ത്തി

നന്മണ്ട: നാരകശ്ശേരി കുനിയിൽ സൂരജി​െൻറ അപകടമരണം നന്മണ്ടയെ തീരാ കണ്ണീരിലാഴ്ത്തി. കൂളിപ്പൊയിൽ തണൽ സ്റ്റോപിന് സമീപം സൂരജ് സഞ്ചരിച്ച പൾസർ ബൈക്ക് ചരക്ക് ലോറിയുമായി കൂട്ടിയിടിക്കുകയായിരുന്നു. രണ്ടാഴ്‌ചമുമ്പ് ദുബൈയിൽനിന്ന് ലീവിൽവന്ന സൂരജ് വിവാഹം കഴിക്കാനുള്ള ഒരുക്കത്തിലായിരുന്നു. വളരെ പിന്നാക്കാവസ്ഥയിലായ കുടുംബത്തി​െൻറ ഏക പ്രതീക്ഷയാണ് സൂരജി​െൻറ മരണത്തോടെ പൊലിഞ്ഞത്. നന്മണ്ടയിലെ കാരുണ്യപ്രവർത്തനങ്ങളിൽ ഈ യുവാവ് സജീവമായിരുന്നു. മരണവാർത്ത ആഘാതത്തിൽനിന്ന് നാട്ടുകാരും സുഹൃത്തുക്കളും ഇതുവരെയും േമാചിതരായിട്ടില്ല.