Begin typing your search above and press return to search.
exit_to_app
exit_to_app
Posted On
date_range 7 Jun 2018 5:26 AM GMT Updated On
date_range 7 Jun 2018 5:26 AM GMTജഡ്ജി നിയമന ശിപാർശ: സിംഗിൾ ബെഞ്ച് ഉത്തരവിനെതിരെ അപ്പീൽ
text_fieldsbookmark_border
കൊച്ചി: ജഡ്ജിമാരുടെ ഒഴിവുകളിലേക്ക് മുന് ജഡ്ജിമാരുടെയും സിറ്റിങ് ജഡ്ജിമാരുെടയും ബന്ധുക്കളെ കൊളീജിയം നാമനിർദേശം െചയ്യുന്നത് ചോദ്യം ചെയ്യുന്ന ഹരജി തള്ളിയതിനെതിരെ അപ്പീൽ. കൊളീജിയം ശിപാര്ശക്കെതിരെ ഹരജി നൽകിയ തൃശൂർ തലോർ സ്വദേശി സി.ജെ. ജോവ്സണ്, എറണാകുളം കളമശ്ശേരി സ്വദേശി സാബു എന്നിവരാണ് അപ്പീലുമായി ഡിവിഷൻ ബെഞ്ചിനെ സമീപിച്ചിരിക്കുന്നത്. യോഗ്യരായ നിരവധി പേരെ ഒഴിവാക്കി ബന്ധുക്കളായ ചിലരുടെ പേര് ശിപാർശ ചെയ്തെന്ന് ചൂണ്ടിക്കാട്ടി നൽകിയ ഹരജി േമയ് 22നാണ് സിംഗിൾ ബെഞ്ച് തള്ളിയത്. സുപ്രീംകോടതി ഉത്തരവുകളുടെ അടിസ്ഥാനത്തിൽ ഇക്കാര്യത്തിൽ കോടതിയുടെ വിലയിരുത്തൽ സാധ്യമല്ലെന്ന് നിരീക്ഷിച്ചായിരുന്നു വിധി. മതിയായ യോഗ്യതയില്ലാത്തവരെയാണ് കൊളീജിയം ശിപാർശ ചെയ്തതെന്ന് ഹരജിയിൽ പറയുന്നില്ലെന്നും പലരും ജഡ്ജിമാരുടെ ബന്ധുക്കളായത് അയോഗ്യതയല്ലെന്നും സിംഗിൾ ബെഞ്ച് ചൂണ്ടിക്കാട്ടിയിരുന്നു. എന്നാൽ, യോഗ്യരായ നിരവധി പേരെ ഒഴിവാക്കിയാണ് ബന്ധുക്കളായ ചിലരുടെ പേര് ശിപാർശ ചെയ്തതെന്ന വാദം സിംഗിൾ ബെഞ്ച് വേണ്ട വിധം പരിഗണിച്ചിട്ടില്ലെന്നാണ് അപ്പീലിൽ പറയുന്നത്. കൊളീജിയം ശിപാർശയിൽ കോടതി വിലയിരുത്തൽ സാധ്യമാണെന്നും അതിനാൽ സിംഗിൾ ബെഞ്ച് വിധി റദ്ദാക്കി ഹരജി വീണ്ടും കേൾക്കാൻ നിർദേശിക്കണമെന്നുമാണ് അപ്പീലിലെ ആവശ്യം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story