നിപ: വ്യാജ സന്ദേശം പ്രചരിപ്പിച്ച നാലു പേർകൂടി അറസ്​റ്റിൽ

കോഴിക്കോട്: നിപ വൈറസ് ബാധയുടെ പശ്ചാത്തലത്തിൽ വ്യാജ പ്രചരണം നടത്തിയ നാലുപേരെക്കൂടി നടക്കാവ് പൊലീസ് അറസ്റ്റ് ചെയ്തു. കോഴിക്കോട് വെള്ളിമാട്കുന്ന് സ്വദേശികളായ അബ്ദുൽ റസാഖ് (50), മധുരാജ് (51), എറണാകുളം പെരുമ്പാവൂർ സ്വദേശി കുഞ്ഞുമോൻ (45), മുവാറ്റുപുഴ സ്വദേശി അൻസൽ (18) എന്നിവരെയാണ് നടക്കാവ് പൊലീസ് അറസ്റ്റ് ചെയ്തത്. കേരള പൊലീസ് ആക്ട് 120-(ഒ), 118-ബി എന്നീ വകുപ്പുകളിലാണ് ഇവർക്കെതിരെ കേസെടുത്തത്. അറസ്റ്റിലായവെര പിന്നീട് ജാമ്യത്തിൽ വിട്ടു.