Begin typing your search above and press return to search.
exit_to_app
exit_to_app
Posted On
date_range 3 Jun 2018 5:35 AM GMT Updated On
date_range 3 Jun 2018 5:35 AM GMTറസിലിെൻറ വിയോഗത്തിൽ മോഹൻലാലിെൻറ അനുശോചനം
text_fieldsbookmark_border
നടുവണ്ണൂർ: റസിൽ ഭാസ്കറിെൻറ വിയോഗത്തിൽ മോഹൻലാലിെൻറ അനുശോചനം. കഴിഞ്ഞദിവസം കോട്ടൂർ പഞ്ചായത്തിലെ പൂനത്ത് നിപ ബാധിച്ച മരിച്ച റസിൽ ഭാസ്കറിെൻറ വിയോഗത്തിലാണ് നടൻ മോഹൻലാൽ അനുശോചിച്ചത്. ഫേസ്ബുക്കിലാണ് അദ്ദേഹം അനുശോചനം അറിയിച്ചത്. 'നിപ പനിമൂലം നിര്യാതനായ എെൻറ പ്രിയ സഹോദരൻ റസിൽ ഭാസ്കറിന് ആദരാഞ്ജലികൾ'എന്നാണ് തെൻറ ഫേസ്ബുക്ക് പേജിൽ അദ്ദേഹം കുറിച്ചത്. സിനിമ പ്രേമിയായ റസിൽ മോഹൻലാൽ ഫാൻസ് ബാലുശ്ശേരി ഏരിയ കമ്മിറ്റിയംഗമാണ്. മോഹൻലാലിെൻറ കടുത്ത ആരാധകനായ റസിൽ മോഹൻലാലിെൻറ സിനിമകളെ നെഞ്ചേറ്റിയിരുന്നു. സോഷ്യൽ മീഡിയയിലും സജീവമായിരുന്നു. പൂനത്ത് പ്രതിരോധ പ്രവർത്തനങ്ങൾ ഊർജിതം നടുവണ്ണൂർ: നിപ രോഗബാധമൂലം മരിച്ച പൂനത്ത് ആരോഗ്യ വകുപ്പ് പ്രതിരോധ പ്രവർത്തനങ്ങളും ബോധവത്കരണവും ഊർജിതമാക്കി. പൂനത്ത് ഭാഗത്ത് വാർഡ് മെംബർ ബഷീറിെൻറ നേതൃത്വത്തിൽ സ്കോഡുകളായി തിരിഞ്ഞ് ഭവന സന്ദർശനവും നോട്ടീസ് വിതരണവും നടത്തി. ഹെൽത്ത് ഇൻസ്പെക്ടർ എൻ. പ്രഭാകരെൻറ നേതൃത്വത്തിൽ ജൂനിയർ ഹെൽത്ത് ഇൻസ്പെക്ടർമാരായ പി.കെ. ഷാജഹാൻ, ടി.കെ. സുരേഷ്കുമാർ, ഇ.കെ. ബാബു, ജൂനിയർ പബ്ലിക് ഹെൽത്ത് നഴ്സുമാരായ മിനി, ഉഗിഷ, ശീതൾ, സുഗന്ധി ഭായ് എന്നിവരും പൊതുപ്രവർത്തകരായ ഷുക്കൂർ തയ്യിൽ, സി.കെ. ഗഫൂർ, ടി. ഷാജു, പി.ടി. ഉമേഷ്, സുരേഷ് ചീനിക്കൽ, തറോൽ വിജയൻ മാസ്റ്റർ എന്നിവരും പ്രവർത്തനങ്ങൾക്ക് നേതൃത്വം നൽകി. ഉള്ള്യേരി കമ്യൂണിറ്റി ഹെൽത്ത് സെൻറർ മെഡിക്കൽ ഓഫിസർ ഡോക്ടർ ആനി, കോട്ടൂർ മെഡിക്കൽ ഓഫിസർ ഡോ. അബ്ദുൽ ഗഫൂർ എന്നിവർ മരണവീടും പരിസരവീടും സന്ദർശിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story