കരിപ്പൂരിനോട്​ അവഗണന: എം.കെ. രാഘവ​െൻറ ഉപവാസത്തിന്​ തുടക്കം

കോഴിക്കോട്: കരിപ്പൂർ വിമാനത്താവളത്തോടുള്ള കടുത്ത അവഗണനയിൽ പ്രതിഷേധിച്ച് എം.കെ. രാഘവൻ എം.പിയുടെ 24 മണിക്കൂർ ഉപവാസത്തിന് തുടക്കം. വലിയ വിമാനങ്ങളുടെ സർവിസും ഹജ്ജ് എംബാർക്കേഷന്‍ പോയൻറും പുനഃസ്ഥാപിക്കാൻ പ്രധാനമന്ത്രി നരേന്ദ്ര മോദി ഇടപെടണമെന്നാവശ്യപ്പെട്ടാണ് യു.ഡി.എഫ് സമരരംഗത്തിറങ്ങിയത്. മാനാഞ്ചിറ പബ്ലിക് ലൈബ്രറി പരിസരത്ത് ഉപവാസം പി.കെ. കുഞ്ഞാലിക്കുട്ടി എം.പി ഉദ്ഘാടനം ചെയ്തു. യു.ഡി.എഫ് ജില്ല ചെയർമാൻ അഡ്വ. പി. ശങ്കരൻ അധ്യക്ഷതവഹിച്ചു. പ്രതിപക്ഷ ഉപനേതാവ് ഡോ. എം.കെ. മുനീർ, നടൻ ജോയ് മാത്യു, ഫാ. തോമസ് പനക്കല്‍, പാറക്കല്‍ അബ്ദുല്ല എം.എല്‍.എ, ഡി.സി.സി പ്രസിഡൻറ് ടി. സിദ്ദീഖ്, യു.ഡി.എഫ് ജില്ല കണ്‍വീനര്‍ എം.എ. റസാഖ് മാസ്റ്റർ, മുൻ മന്ത്രി എം.ടി. പത്മ, മുസ്ലിം ലീഗ് ജില്ല പ്രസിഡൻറ് ഉമ്മര്‍ പാണ്ടികശാല, കെ.സി. അബു, എൻ. സുബ്രഹ്മണ്യൻ, എൻ.കെ. അബ്ദുറഹ്മാൻ, പി.വി. ഗംഗാധരൻ, പി.വി. ചന്ദ്രൻ, കരിപ്പൂർ വിമാനത്താവള മുൻ ഡയറക്ടർ സി. വിജയകുമാർ, കേരള കോൺഗ്രസ് -എം ജില്ല സെക്രട്ടറി ബാബുരാജ്, കേരള കോണ്‍ഗ്രസ് (ജേക്കബ്) നേതാവ് വീരാന്‍കുട്ടി, സി.എം.പി ജില്ല സെക്രട്ടറി ജി. നാരായണന്‍കുട്ടി തുടങ്ങിയവർ സംബന്ധിച്ചു. മാധ്യമം-മീഡിയവൺ ഗ്രൂപ് എഡിറ്റർ ഒ. അബ്ദുറഹ്മാൻ സമരപന്തലിലെത്തി അഭിവാദ്യമർപ്പിച്ചു. മലബാറി​െൻറ തലസ്ഥാനമായ കോഴിക്കോടിനോട് കാണിക്കുന്ന ക്രൂരതക്കെതിരെ വിജയം നേടുംവരെ ഒപ്പംനിൽക്കേണ്ടത് നാടി​െൻറ ബാധ്യതയാണെന്ന് അദ്ദേഹം പറഞ്ഞു. വെള്ളിയാഴ്ച രാവിലെ 10ന് പ്രതിപക്ഷ നേതാവ് രമേശ് ചെന്നിത്തല ഉപവാസ സമര സമാപനയോഗം ഉദ്ഘാടനം െചയ്യും. കെ. മുരളീധരൻ എം.എൽ.എ മുഖ്യപ്രഭാഷണം നടത്തും. യു.ഡി.എഫ് ഘടക കക്ഷികളും യുവജന സംഘടനകളും സമരത്തിന് െഎക്യദാർഢ്യം പ്രഖ്യാപിച്ച് പ്രകടനം നടത്തി.