ബാലഗോകുലം സംസ്ഥാന സമ്മേളനം നാളെ മുതൽ

കോഴിക്കോട്: ബാലഗോകുലം 43ാം സംസ്ഥാന വാർഷിക സമ്മേളനം വെള്ളി, ശനി, ഞായർ ദിവസങ്ങളിൽ തൊണ്ടയാട് ചിന്മയാഞ്ജലി ഓഡിറ്റോറിയത്തിൽ നടക്കുമെന്ന് സംഘാടകർ വാർത്തസമ്മേളനത്തിൽ അറിയിച്ചു. 'കൈരളിയുെട നവോത്ഥാനത്തിന് കരുത്താർന്ന ബാല്യം' എന്ന സന്ദേശവുമായാണ് സമ്മേളനം നടക്കുന്നത്. ബാലഗോകുലം, തപസ്യ എന്നീ സംഘടനകളുടെ സ്ഥാപകാചാര്യൻ എം.എ. കൃഷ്ണ​െൻറ നവതിയാഘോഷത്തി​െൻറ ഉദ്ഘാടനവും പരിപാടിയിൽ നടക്കും. വെള്ളിയാഴ്ച നിർവാഹക സമിതി യോഗം ചേരും. 14ന് സ്വാമി ചിദാനന്ദപുരി പരിപാടി ഉദ്ഘാടനം ചെയ്യും. വൈകീട്ട് അഞ്ചിന് നവതിയാഘോഷം ലോക്സഭ സ്പീക്കർ സുമിത്ര മഹാജൻ ഉദ്ഘാടനം ചെയ്യും. വിവിധ രംഗങ്ങളിൽ മികവു തെളിയിച്ച ഒമ്പതുപേരെ ചടങ്ങിൽ ആദരിക്കും. 15ന് വാർഷിക സമ്മേളനം നടൻ ജോയ്മാത്യു ഉദ്ഘാടനം ചെയ്യും. സംസ്ഥാന പ്രസിഡൻറ് കെ.പി. ബാബുരാജ്, സ്വാഗതസംഘം ഭാരവാഹികളായ ആർ.ജി. രമേഷ്, കെ. മോഹൻദാസ്, പി. പ്രശോഭ്, കെ.കെ. ശ്രീലാസ് എന്നിവർ വാർത്തസമ്മേളനത്തിൽ പങ്കെടുത്തു.