​'വിജയസംഗമം​' നടത്തി

മുക്കം: കേരള വ്യാപാരി വ്യവസായി ഏകോപന സമിതി മുക്കം യൂനിറ്റി​െൻറ നേതൃത്വത്തിൽ വിജയ സംഗമം സംഘടിപ്പിച്ചു. വ്യാപാരികളുടെ മക്കളിൽ വിവിധ പൊതു പരീക്ഷകളിൽ വിജയിച്ചവർ, നീറ്റ് പ്രവേശന പരീക്ഷയിൽ സംസ്ഥാന തലത്തിൽ മൂന്നാം റാങ്ക് നേടിയ എം. എ. സെബ, കേരള പ്രവേശന പരീക്ഷയിൽ എസ്‌.സി വിഭാഗത്തിൽ ഒന്നാം റാങ്ക് നേടിയ സമിക് മോഹൻ, നിപ വൈറസി​െൻറ സാന്നിധ്യം തിരിച്ചറിയുന്നതിൽ മുഖ്യ പങ്കുവഹിച്ച ഡോ. അനൂപ് കുമാർ, നഴ്സ് ദിവ്യ അനീഷ്, പ്രസ് ഫോറം ഭാരവാഹികളായ ഫസൽ ബാബു, അസൈനാർ, മുഹമ്മദ് കക്കാട് എന്നിവരെയാണ് ആദരിച്ചത്. വ്യാപാര ഭവനിൽ നടന്ന പരിപാടി ഡോ. എ.എസ് അനൂപ് കുമാർ ഉദ്ഘാടനം ചെയ്തു. മുക്കം യൂനിറ്റ് പ്രസിഡൻറ് കെ.സി. നൗഷാദ് അധ്യക്ഷതവഹിച്ചു. നഗരസഭ കൗൺസിലർ വിജയൻ മാസ്റ്റർ, റഫീഖ് മാളിക, സിഗ്നി ദേവരാജ്, എം.കെ. സിദ്ധീഖ്, ഷിം ജി വാരിയം കണ്ടി, സുലേഖ മജീദ് എന്നിവർ സംസാരിച്ചു. പി.പി. ലായിക്കലി, അബ്ദുൽ സലാം കോട്ടൺ സ്പോട്ട്, ബക്കർ കളർ ബലൂൺ, ബെന്നി അന്തിനാട്ട്, മുഹമ്മദ് കുഞ്ഞി, റിയാസ് എന്നിവർ അവാർഡുകൾ വിതരണം ചെയ്തു. പ്രോഗ്രാം കമ്മറ്റി ചെയർമാൻ കെ.സി. അഷ്റഫ് സ്വാഗതവും രവി മെഷീൻ വേൾഡ് നന്ദിയും പറഞ്ഞു.