മൂന്നാംഘട്ട ഹജ്ജ് സാങ്കേതിക പഠന ക്ലാസ്

താമരശ്ശേരി: താമരശ്ശേരിയില്‍നിന്ന് നെടുമ്പാശ്ശേരി ഹജ്ജ് ക്യാമ്പിലേക്ക് കെ.എസ്.ആര്‍.ടി.സി ബസ് സര്‍വിസ് നടത്തുന്നതിന് നടപടി സ്വീകരിച്ചിട്ടുണ്ടെന്ന് കാരാട്ട് റസാഖ് എം.എല്‍.എ പറഞ്ഞു. കൊടുവള്ളി നിയോജകമണ്ഡലം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കെ.പി. അബ്ദുല്‍ ഖാദര്‍ അധ്യക്ഷതവഹിച്ചു. ഹജ്ജ് ട്രൈനര്‍ എന്‍.പി. സൈതലവി, ഷാനവാസ് കുറുമ്പൊയില്‍ എന്നിവര്‍ ക്ലാസെടുത്തു. താമരശ്ശേരി ഗ്രാമപഞ്ചായത്ത് പ്രസിഡൻറ് ഹാജറ കൊല്ലരുകാണ്ടി, കാരാടി മഹല്ല് കമ്മിറ്റി പ്രസിഡൻറ് ഷരീഫ് ഹാജി, അബ്ദുല്‍കാദര്‍ അവിലോറ, ഷാനവാസ് കൊടുവള്ളി, അബ്ദുന്നാസര്‍ അവിലോറ, അബ്ദുല്ലക്കുട്ടി, ബഷീര്‍ അവിലോറ, കെപി. വഫാഉല്ല എന്നിവര്‍ സംസാരിച്ചു. ഹാജിമാര്‍ക്കുള്ള ബുക്‌ലെറ്റ് വിതരണം, ഹാറ്റ് കാര്‍ഡ്, ബാഗേജ് സ്റ്റിക്കര്‍ എന്നിവ വിതരണം ചെയ്തു.