ലൈഫ്​ മിഷൻ: വീടുകളുടെ താക്കോൽദാനം ഇന്ന്​

ബാലുശ്ശേരി: പഞ്ചായത്ത് ലൈഫ് മിഷൻ പദ്ധതിയിൽ ഉൾപ്പെടുത്തി നിർമിച്ച വീടുകളുടെ താക്കോൽദാനം ഞായറാഴ്ച രാവിലെ ഒമ്പതിന് കോക്കല്ലൂർ ഗവ. ഹയർ സെക്കൻഡറി സ്കൂൾ ഒാഡിറ്റോറിയത്തിൽ തൊഴിൽമന്ത്രി ടി.പി. രാമകൃഷ്ണൻ നിർവഹിക്കും. പുരുഷൻ കടലുണ്ടി എം.എൽ.എ അധ്യക്ഷത വഹിക്കും. 19 വീടുകളുടെ പണിയാണ് പൂർത്തിയായിട്ടുള്ളത്. തറ നിർമിച്ച് വീട് നിർമാണത്തിനായി കാത്തിരിക്കുന്ന 22 ഗുണഭോക്താക്കൾക്കുള്ള എഗ്രിമ​െൻറ് സർട്ടിഫിക്കറ്റ് വിതരണവും ചടങ്ങിൽ നടക്കും.