താമരശ്ശേരി ചുരത്തിൽ മരംവീണ് ഗതാഗതം തടസ്സപ്പെട്ടു

ഈങ്ങാപ്പുഴ: ശനിയാഴ്ചയുണ്ടായ കനത്ത മഴയെത്തുടർന്ന് ചുരം ഏഴാംവളവിനു താഴെ മരം കടപുഴകി റോഡിൽ പതിച്ചതിനെത്തുടർന്ന് ഒന്നര മണിക്കൂറോളം ഗതാഗതം തടസ്സപ്പെട്ടു. അപകടാവസ്ഥയിലുള്ള മരങ്ങൾ മുമ്പേ മുറിച്ചുമാറ്റിയിരുന്നു. ചുരം സംരക്ഷണ സമിതി പ്രവർത്തകർ ഉടൻതന്നെ ഫോറസ്റ്റ് ഉദ്യോഗസ്ഥരെ വിവരമറിയിക്കുകയും താമരശ്ശേരി പൊലീസും കൽപറ്റയിൽ നിന്നെത്തിയ ഫയർഫോഴ്‌സും സ്ഥലത്തെത്തി സമിതി പ്രവർത്തകരോടൊപ്പം മരംമുറിച്ച് നീക്കംചെയ്തു.