മലബാർ സൈക്കിൾ റൈഡേഴ്സിസ് ചുരം സംരക്ഷണ സമിതി സ്വീകരണം നൽകി

ഈങ്ങാപ്പുഴ: കോഴിക്കോട് മലബാർ സൈക്കിൾ റൈഡേഴ്സ് ടീം കോഴിക്കോടുനിന്ന് വയനാട് ലക്കിടി വരെ സൈക്കിൾ റാലി നടത്തി. തുഷാരഗിരിയിൽ നടക്കാനിരിക്കുന്ന കയാക്കിങ് മത്സരത്തി​െൻറ പ്രചാരണാർഥമാണ് റാലി നടത്തിയത്. റാലിയിൽ പങ്കെടുത്ത 27 കായികർക്ക് അടിവാരത്ത് ചുരം സംരക്ഷണ സമിതി പ്രസിഡൻറ് മൊയ്തു മുട്ടായി പൊന്നാടയണിയിച്ചു. സമിതി പ്രവർത്തകർ വയനാട് ചുരത്തിലൂടെയുള്ള സൈക്കിൾ യാത്രയെ അനുഗമിച്ചു. ജനറൽ സെക്രട്ടറി പി.കെ. സുകുമാരൻ, വി.കെ താജുദ്ദീൻ, ഷൗക്കത്ത് എലിക്കാട്, അബ്ദുൽ ലത്തിഫ് തുടങ്ങി പതിനഞ്ചോളം ചുരം സംരക്ഷണസമിതി പ്രവർത്തകർ ചടങ്ങിൽ പങ്കെടുത്തു.