കെ.എസ്​.യു ജില്ല കമ്മിറ്റി പ്രതിഷേധിച്ചു

കോഴിക്കോട്: കെ.എസ്.യു ഡി.ഡി.ഇ ഒാഫിസ് മാർച്ചിൽ ഡി.സി.സി പ്രസിഡൻറ്, കെ.എസ്.യു ജില്ല പ്രസിഡൻറ് എന്നിവരുൾപ്പെടെയുള്ളവരെ മർദിച്ച പൊലീസ് നടപടിയിൽ ജില്ല കമ്മിറ്റി പ്രതിഷേധിച്ചു. ഒരു പ്രകോപനവും കൂടാതെ നടത്തിയ ഡി.ഡി.ഇ ഒാഫിസ് മാർച്ചിൽ പൊലീസ് അക്രമം അഴിച്ചുവിടുകയായിരുന്നു. മാർച്ച് ഉദ്ഘാടനം ചെയ്യാനെത്തിയ ഡി.സി.സി പ്രസിഡൻറ് ടി. സിദ്ദീഖ്, നേതൃത്വം നൽകിയ കെ.എസ്.യു ജില്ല പ്രസിഡൻറ് വി.ടി. നിഹാൽ, ജില്ല ഭാരവാഹികളായ സുധിൻ സുരേഷ്, മനു അർജുൻ എന്നിവരെ പൊലീസ് വളഞ്ഞിട്ട് മർദിച്ചു. പൊലീസി​െൻറ നടപടിയിൽ പ്രതിഷേധിച്ച് വെള്ളിയാഴ്ച ജില്ലയിൽ കരിദിനമാചരിക്കാനും ജില്ല കമ്മിറ്റി തീരുമാനിച്ചു.