ജില്ല പൊലീസ്​ മേധാവി ഒാഫിസ്​ മാർച്ച്​

കോഴിക്കോട്: ഡി.ഡി.ഇ ഓഫിസ് മാർച്ച് നടത്തിയ കെ.എസ്.യു പ്രവർത്തകരെ മർദിച്ച പൊലീസ് നടപടിയിൽ പ്രതിഷേധിച്ച് യൂത്ത് കോൺഗ്രസ് കോഴിക്കോട് പാർലമ​െൻറ് മണ്ഡലം കമ്മിറ്റിയുടെ നേതൃത്വത്തിൽ ജില്ല പൊലീസ് മേധാവിയുടെ ഓഫിസിലേക്ക് മാർച്ച് നടത്തി. സംസ്ഥാന സെക്രട്ടറി എം. ധനീഷ് ലാൽ ഉദ്ഘാടനം ചെയ്തു. പാർലമ​െൻറ് മണ്ഡലം പ്രസിഡൻറ് ജെയ്സൽ അത്തോളി അധ്യക്ഷത വഹിച്ചു. ടി. ഷഫ്നാസ് അലി, ആർ. ഷഹിൻ, വൈശാഖ് കണ്ണോറ, എ. ഷിഞ്ജു, എം. ഷിബു, വി.ടി. ഷിജുലാൽ, അഷ്റഫ് എടക്കാട്, പി.കെ. രഞ്ജീഷ് കുമാർ, ഹെബീഷ് മാമ്പയിൽ, വി.പി. ദുൽക്കിഫിൽ എന്നിവർ നേതൃത്വം നൽകി. മാർച്ചിനിടെ റോഡ് ഉപരോധിച്ചതിന് കണ്ടാലറിയാവുന്ന 50ഒാളം യൂത്ത് കോൺഗ്രസ് പ്രവർത്തകർക്കെതിരെ കസബ പൊലീസ് കേസെടുത്തു.