ബേപ്പൂർ സുൽത്താ​െൻറ വിയോഗത്തിന് 24 വയസ്സ്​; ദീപ്തസ്മരണയിൽ നഗരം

കോഴിക്കോട്: അക്ഷരങ്ങളുടെ രാജശിൽപി വൈക്കം മുഹമ്മദ് ബഷീർ വിടപറഞ്ഞിട്ട് വ്യാഴാഴ്ച 24 വർഷം. ബഷീർ സ്മരണയിൽ നഗരത്തിൽ വിവിധ പരിപാടികൾ നടന്നു. ബാങ്ക്മെൻസ് ക്ലബി​െൻറ നേതൃത്വത്തിൽ ഒരു പകൽ നീണ്ട അനുസ്മരണ പരിപാടികളാണ് അരങ്ങേറിയത്. ടൗൺഹാളിൽ നടന്ന പരിപാടിയിൽ എം.എൻ. കാരശ്ശേരി അനുസ്മരണ പ്രഭാഷണം നടത്തി. ബഷീറി​െൻറ പുരുഷകഥാപാത്രങ്ങളേക്കാൾ സ്ത്രീകഥാപാത്രങ്ങൾക്കായിരുന്നു വ്യക്തിത്വവും മഹത്ത്വവും ബുദ്ധിയുമുണ്ടായിരുന്നതെന്ന് അദ്ദേഹം പറഞ്ഞു. എന്നാലിന്ന് കടുത്ത സ്ത്രീവിരുദ്ധതയിലൂെടയാണ് കാലം കടന്നുപോവുന്നത്. സിനിമ നടികൾക്കുപോലും രക്ഷയില്ല. പരാതി പറയുന്ന വനിത അംഗങ്ങൾക്കുനേരെ നടപടിയെടുക്കുകയാണ് 'അമ്മ' ചെയ്യുന്നത്. ഇരയാക്കപ്പെട്ട നടി പരാതിപെട്ടപ്പോൾപോലും ആ സംഘടന തിരിഞ്ഞുനോക്കിയില്ലെന്നും അദ്ദേഹം പറഞ്ഞു. കെ.ഇ.എൻ. കുഞ്ഞഹമ്മദ് സ്മാരക പ്രഭാഷണം നടത്തി. ബഷീറി​െൻറ സ്മരണക്കായി ഏർപ്പെടുത്തിയ കോളജ് മാഗസിനുകൾക്കുള്ള പുരസ്കാരം ചടങ്ങിൽ വിതരണം ചെയ്തു. ബഷീറി​െൻറ ലോകം സെമിനാർ ഡോ. എൻ.പി. ഹാഫിസ് മുഹമ്മദ് ഉദ്ഘാടനം ചെയ്തു. ഇന്ദുലേഖയെ വെട്ടിമാറ്റി മലയാള സാഹിത്യത്തിൽ സുഹറയെ പ്രതിഷ്ഠിച്ചതാണ് ബഷീറി​െൻറ ഏറ്റവും വലിയ സംഭാവനയെന്ന് അദ്ദേഹം പറഞ്ഞു. ഡോ. ഖദീജ മുംതാസ്, ബി.എം. സുഹറ, ഡോ. യു. ഹേമന്ദ്കുമാർ, കെ.ജെ. തോമസ്, ഷബിത തുടങ്ങിയവർ സംസാരിച്ചു. സ്കൂൾ വിദ്യാർഥികൾക്കായി ക്വിസ് മത്സരവും അരങ്ങേറി. ബഷീറും കുട്ട്യോളും നഗരം ചുറ്റി; ഇമ്മിണി ബല്യൊന്നായി കോഴിക്കോട്: വൈക്കം മുഹമ്മദ് ബഷീറിനും അദ്ദേഹത്തി​െൻറ പ്രിയപ്പെട്ട കഥാപാത്രങ്ങൾക്കും 'ഇമ്മിണി ബല്യൊന്ന്' എന്ന നാടകത്തിലൂടെ പുനർജനി. ബാങ്ക്മെൻസ് ക്ലബി​െൻറ അനുസ്മരണത്തിലാണ് നാടകം അരങ്ങേറിയത്. മാവൂർ വിജയൻ രചനയും സംവിധാനവും നിർവഹിച്ച നാടകത്തിലെ കഥാപാത്രങ്ങൾ മാനാഞ്ചിറ സ്ക്വയർ ചുറ്റി കിഡ്സൺ കോർണറിലൂടെയും വൈക്കം മുഹമ്മദ് ബഷീർ റോഡിലൂടെ നടന്ന് ടൗൺഹാളിലെത്തി. ബഷീറി​െൻറ കഥകളെയും കഥാപാത്രങ്ങളെയും പുതിയ കാലത്തെ വർത്തമാനങ്ങളുമായി കൂട്ടിച്ചേർക്കുകയാണ് നാടകത്തിലൂടെ. സോജാരാജകുമാരി എന്ന ബഷീറി​െൻറ സ്വന്തം പാട്ടിൽ തുടങ്ങി ഇന്നത്തെ രാഷ്ട്രീയ കളികളും അസഹിഷ്ണുതയും ബ്യൂറോക്രസിയുമെല്ലാം ഇമ്മിണി ബല്യൊന്ന് ചിത്രീകരിച്ചു. മാവൂർ വിജയനാണ് ബഷീറായി വേഷമിട്ടത്. പൊൻകുരിശ് തോമ-കരുണാകരൻ പറമ്പിൽ, മണ്ടൻ മുസ്തഫ-സന്തോഷ് പാലക്കട, കണ്ടൻ പറയൻ-ആർ. ഗോപിനാഥ്, ഒറ്റക്കണ്ണൻ പോക്കർ-കുഞ്ഞൻ ചേളന്നൂർ, ആനവാരി രാമൻനായർ-സുരേഷ് തിരുത്തിയാട്, സീമ ഹരിദാസ്-പാത്തുമ്മ, ഫാബി ബഷീർ-ജയകാന്തി ചേവായൂർ, റീന പ്രഭുകുമാർ-ജമീല ബീവി, അശ്വന്ത്, നിധീഷ് ബൈജു എന്നിവരും വേഷമിട്ടു. വൈലാലിൽ വീട് സന്ദർശിച്ചു കോഴിക്കോട്: ബഷീർ ചരമവാർഷികത്തി​െൻറ ഭാഗമായി പുതിയറ ബി.ഇ.എം യു.പി സ്കൂളിലെ വിദ്യാരംഗം കലാസാഹിത്യ വേദി അംഗങ്ങൾ ബേപ്പൂരിലെ ചരിത്രമുറങ്ങുന്ന വൈലാലിൽ വീട് സന്ദർശിച്ചു. ബഷീറി​െൻറ മകനായ അനീസ് ബഷീറി​െൻറ മക്കൾ വിദ്യാർഥികൾക്ക് അദ്ദേഹത്തി​െൻറ സാഹിത്യജീവിതത്തെകുറിച്ച് വിവരിച്ചുകൊടുത്തു. അധ്യാപകരായ ഷാജു വർഗീസ്, ഡാനിഷ് റാഫേൽ, സിന്ധു, ഷജീർഖാൻ എന്നിവർ നേതൃത്വം നൽകി.