ഹൈടെക് മാതൃക തീർത്ത് പി.ടി.എ യോഗവും

കൊടിയത്തൂർ: പൊതുവിദ്യാഭ്യാസ രംഗത്തെ ആധുനികവത്കരണത്തി​െൻറ ഭാഗമായി നടപ്പാക്കുന്ന ഡിജിറ്റൽ ക്ലാസ് റൂമി​െൻറ ഗുണങ്ങൾ രക്ഷിതാക്കൾക്കും നേരിട്ടറിയാനായി. കൊടിയത്തൂർ പി. ടി.എം ഹയർ സെക്കൻഡറി സകൂളിലാണ് രക്ഷിതാക്കളുടെ ക്ലാസ് തല യോഗം നടന്നത്. പൊതുവിദ്യാഭ്യാസ സംരക്ഷണ യജ്ഞത്തി​െൻറ ചുവടുപിടിച്ച് ആദ്യഘട്ടത്തിൽതന്നെ 47 ക്ലാസ് മുറികളും ഡിജിറ്റൽവത്കരണം നടത്തിയ വിദ്യാലയമാണിത്. ഗ്രേസ് മാർക്കോടുകൂടി സർക്കാർ നടപ്പാക്കുന്ന ലിറ്റിൽ കൈറ്റ്സ് ക്ലബി​െൻറ ഉദ്ഘാടനം ദേശീയ അധ്യാപക അവാർഡ് ജേതാവ് കെ.ജെ. പോൾ നിർവഹിച്ചു. ഹെഡ്മാസ്റ്റർ ജി.സുധീർ അധ്യക്ഷത വഹിച്ചു. മാസ്റ്റർ െട്രയ്നർ നൗഫൽ, കെ. മറിയുമ്മ കുട്ടി, ഇ.ടി. മജീദ്, നൂറുദ്ദീൻ മംഗലശ്ശേരി, പി.ടി. നാസർ, പി. സിന്ധു, നിസാം കാരശ്ശേരി എന്നിവർ സംസാരിച്ചു.