അഞ്ച് ഏക്കർ സ്ഥലത്ത് കുടുംബശ്രീ കര​െനൽകൃഷി

ഈങ്ങാപ്പുഴ: കൃഷിവകുപ്പ് അഞ്ച് ഏക്കർ സ്ഥലത്തേക്ക് കുടുംബശ്രീ സംഘകൃഷി ഗ്രൂപ്പുകൾക്ക് അനുവദിച്ച കരനെൽകൃഷിക്കുള്ള വിത്ത് വിതച്ചു. പുതുപ്പാടി കുടുംബശ്രീയിലെ സംഘകൃഷി ഗ്രൂപ്പുകൾക്ക് അനുവദിച്ച വിത്താണ് വിതച്ചത്. ഉമ ഇനത്തിൽപെട്ട 150 കിലോ വിത്താണ് അനുവദിച്ചത്. വിത്തുവിതക്കൽ രണ്ടാം വാർഡിലെ ഹരിത സംഘകൃഷി ഗ്രൂപ്പി​െൻറ കൃഷിയിടത്തിൽ ഗ്രാമപഞ്ചായത്ത് പ്രസിഡൻറ് അംബിക മംഗലത്ത് നിർവഹിച്ചു. വൈസ് പ്രസിഡൻറ് കുട്ടിയമ്മ മാണി. സ്റ്റാൻഡിങ്കമ്മിറ്റി ചെയർപേഴ്സൻ ഐബി റെജി, മെംബർമാരായ സലോമി സലിം, ഉഷകുമാരി, സി.ഡി.എസ് ചെയർപേഴ്‌സൻ സീന ചന്ദ്രൻ, വൈസ് ചെയർപേഴ്‌സൻ ഷീബ സജി, കൺവീനർമാരായ രമണി ഗോപാലൻ, ഗീത ഗോപാലൻ, എ.ഡി.എസ് അംഗങ്ങളായ ആലീസ്, ആമിന എന്നിവർ പങ്കെടുത്തു.