നിർമാണത്തിനിടെ തകർന്ന കെട്ടിടത്തി​െൻറ ഫയൽ നഗരസഭ ഒാഫിസിൽ കാണാതായി

കോഴിക്കോട്: നഗരത്തിൽ നിർമാണത്തിനിടെ തകർന്ന കെട്ടിടത്തി​െൻറ ഫയൽ കോർപറേഷൻ ഒാഫിസിൽനിന്ന് കാണാതായി. കഴിഞ്ഞ മാസം നിർമാണത്തിനിടെ മണ്ണിടിഞ്ഞ് രണ്ട് ഇതര സംസ്ഥാന തൊഴിലാളികൾ അപകടത്തിൽ പെട്ട ആനിഹാൾ റോഡിലെ കെട്ടിടത്തി​െൻറ ഫയൽ കാണാനില്ലെന്നാണ് വിവരാവകാശ നിയമപ്രകാരമുള്ള അപേക്ഷയിൽ കോർപറേഷൻ അസി. എൻജിനീയറുടെ മറുപടി. കെട്ടിടത്തി​െൻറ പ്ലാൻ നഗരസഭയിൽനിന്ന് പാസാക്കിയത് ത​െൻറ പേരിലാണെന്ന് അറിഞ്ഞതിനെ തുടർന്ന് നഗരത്തിലെ എൻജിനീയർ കെ. സുനിൽ കുമാർ നൽകിയ വിവരാവകാശ അപേക്ഷയിലാണ് മറുപടി. കെട്ടിട നിർമാണത്തിനിടെയുണ്ടാവുന്ന അപകടങ്ങൾ വിവാദമായതോടെ ജില്ല ഭരണകൂടവും കോർപറേഷനും ഇടപെട്ട് കെട്ടിടം പണി നിർത്തിവെപ്പിച്ചിരുന്നു. കെട്ടിടത്തി​െൻറ പ്ലാനിലുള്ളത് നഗരത്തിലെ എൻജിനീയറുടെ വ്യാജ ഒപ്പും സീലും ഉപയോഗിച്ചാണെന്ന് പരാതിയുമുയർന്നു. അപകടത്തെ തുടർന്ന് അന്വേഷണത്തിൽ കെട്ടിടത്തി​െൻറ പ്ലാൻ വരച്ച എൻജിനീയർ എന്ന നിലക്ക് കോർപറേഷൻ നോട്ടീസ് അയച്ചപ്പോഴാണ് സുനിൽകുമാർ ത​െൻറ പേരിൽ പ്ലാൻ പാസാക്കിയെടുത്ത വിവരം അറിഞ്ഞത്. വ്യാജ ഒപ്പിട്ട് ലൈസൻസെടുത്തെന്ന് കാണിച്ച് വിശ്വാസ വഞ്ചനക്ക് എൻജിനീയർ പൊലീസിൽ പരാതി നൽകി. ഇതി​െൻറ ആവശ്യത്തിന് കെട്ടിടത്തി​െൻറ പ്ലാൻ പകർപ്പ് വിവരാവകാശ നിയമപ്രകാരം സുനിൽ കുമാർ കോർപറേഷനോട് ആവശ്യപ്പെടുകയായിരുന്നു. സംഭവത്തിൽ നിയമ നടപടിക്ക് ഒരുങ്ങുകയാണ് ഇദ്ദേഹം.