സിവിൽ സർവിസ്: വിദ്യാർഥികൾക്ക് പ്രചോദനമേകി മുഹമ്മദ് ജുനൈദ്

കുന്ദമംഗലം: മർകസ് ബോയ്‌സ് ഹൈസ്‌കൂളിൽ എസ്.എസ്.എൽ.സി എഴുതുന്ന വിദ്യാർഥികൾക്കുള്ള വിജയോത്സവം പദ്ധതി സിവിൽ സർവിസ് 200ാം റാങ്ക് ജേതാവ് മുഹമ്മദ് ജുനൈദ് ഉദ്‌ഘാടനം ചെയ്തു. ചിട്ടയായ പഠനവും പരിശ്രമവും ആത്മവിശ്വാസവുമാണ് സിവിൽ സർവിസിലേക്ക് എത്താൻ വിദ്യാർഥികൾ ചെയ്യേണ്ടത്. വായനയും പഠനവും എല്ലാം മികച്ച ഭാവി ലക്ഷ്യംവെച്ചാവുമ്പോൾ ഉന്നതങ്ങളിലേക്ക് എത്താൻ സാധിക്കും -അദ്ദേഹം പറഞ്ഞു. ഹെഡ്മാസ്റ്റർ പി. അബ്ദുന്നാസർ അധ്യക്ഷത വഹിച്ചു. സാദിഖ് പുല്ലാളൂർ, അബ്ദുല്ല, പി. മുഹമ്മദ്, കെ.കെ. അശ്‌റഫ്, കെ. അബ്ദുൽ കലാം, ടി.സി. സാലിഹ് എന്നിവർ സംബന്ധിച്ചു. വിജയോത്സവം കൺവീനർ ഫസൽ അമീൻ സ്വാഗതവും അബ്ദുൽ ബാസിത് നന്ദിയും പറഞ്ഞു.