'കണിക' ലിറ്റിൽ മാഗസിൻ പ്രകാശനം ചെയ്​തു

കൊടിയത്തൂർ: ജി.എം.യു.പി സ്കൂൾ വിദ്യാരംഗം കലാസാഹിത്യ വേദി തയാറാക്കിയ 'കണിക' ലിറ്റിൽ മാഗസിൻ എസ്.എസ്.എ കോഴിക്കോട് ജില്ല പ്രോഗ്രാം ഓഫിസർ എം. ജയകൃഷ്ണൻ പ്രകാശനം ചെയ്തു. എൽ.എസ്.എസ്, യു.എസ്.എസ് പരീക്ഷകളിലും വിവിധ മത്സരങ്ങളിലും ജേതാക്കളായ കുട്ടികൾക്കുള്ള ഉപഹാരങ്ങളുടെ വിതരണവും അദ്ദേഹം നിർവഹിച്ചു. പി.ടി.എ പ്രസിഡൻറ് ഉമർ പുതിയോട്ടിൽ അധ്യക്ഷനായി. ഗ്രാമപഞ്ചായത്ത് അംഗം സാറ ടീച്ചർ മുഖ്യ പ്രഭാഷണം നിർവഹിച്ചു. എ.പി. മുജീബ്റഹ്മാൻ, റസാഖ് കൊടിയത്തൂർ, നാസർ കൊളായി, ടി.കെ. അബൂബക്കർ, ജി. അബ്ദുൽ റഷീദ് എന്നിവർ സംസാരിച്ചു. ഹെഡ് മാസ്റ്റർ യു.പി. അബ്ദുറസാഖ് സ്വാഗതവും എം.കെ. ഷക്കീല നന്ദിയും പറഞ്ഞു.