വായനദിന പക്ഷാചരണ ക്വിസ് നവ്യാനുഭവമായി

കക്കട്ടിൽ: വായനദിന പക്ഷാചരണത്തി​െൻറ ഭാഗമായി കുന്നുമ്മൽ ബി.ആർ.സിയുടെ ആഭിമുഖ്യത്തിൽ എൽ.പി വിഭാഗം വിദ്യാർഥികൾക്കു നടത്തിയ ക്വിസ് അവതരണംകൊണ്ടും മത്സരാർഥികളുടെയും രക്ഷിതാക്കളുടെയും സാന്നിധ്യംകൊണ്ടും ശ്രദ്ധേയമായി. ബി.ആർ.സിക്കു കീഴിലെ 44 എൽ.പി വിഭാഗത്തിലെ വിദ്യാർഥികളാണ് മത്സരത്തിൽ പങ്കെടുത്തത്. മത്സരവേദി എന്നതിനപ്പുറം വിജ്ഞാനക്കൈമാറ്റ വേദിയായി ക്വിസ് മത്സരവേദി മാറിയെന്ന സംതൃപ്തിയോടെയാണ് രക്ഷിതാക്കളും വിദ്യാർഥികളും ബി.ആർ.സിയിൽനിന്നും തിരിച്ചത്. വട്ടോളി എൽ.പി സ്കൂളിലെ വിഷ്ണുനാഥ് ഒന്നാം സ്ഥാനവും മരുതോങ്കര ജി.യു.പി സ്കൂളിലെ ദ്രുവിക രണ്ടാംസ്ഥാനവും നേടി. പ്രധാനാധ്യാപകൻ ശശികുമാർ പുറമേരി സമ്മാനദാനം നടത്തി. ജമാൽ അവതാരകനായി. ഷീജേഷ് അധ്യക്ഷത വഹിച്ചു. െട്രയിനർ സതീശൻ ഉദ്ഘാടനം ചെയ്തു. നാസർ, പി.എ. നൗഷാദ് എന്നിവർ സംസാരിച്ചു. മുഹമ്മദ് റാഫി നന്ദി പറഞ്ഞു.