വൈബ്രൻറ്​ കോഴിക്കോട്​ പദ്ധതി: പ്ലസ്​ ടു വിജയികളെ അനുമോദിച്ചു

കോഴിക്കോട്: എം.കെ. രാഘവന്‍ എം.പിയുടെ നേതൃത്വത്തില്‍ കോഴിക്കോട് പാര്‍ലമ​െൻറ് മണ്ഡലത്തിൽപ്പെട്ട പ്ലസ് ടു പരീക്ഷ വിജയികളെ 'വൈബ്രൻറ് കോഴിക്കോട്' പദ്ധതിയുടെ ഭാഗമായി അനുമോദിച്ചു. സൗത്ത് മണ്ഡലത്തിലെ പ്ലസ്ടു വിജയികള്‍ക്കുള്ള അനുമോദനവും കരിയര്‍ ഗൈഡന്‍സ് ക്ലാസും സ​െൻറ് ജോസഫ്‌സ് ഹയര്‍സെക്കന്‍ഡറി സ്‌കൂളില്‍ ആര്‍.ഡി.ഡി കെ. ശകുന്തള ഉദ്ഘാടനം ചെയ്തു. ഉന്നത വിജയികള്‍ക്ക് മാത്രം അനുമോദനം ഒരുക്കുന്നവരുടെ ഇടയില്‍ എല്ലാ വിജയികളെയും അനുമോദിക്കുന്ന എം.പിയുടെ പദ്ധതി മാതൃകപരമാണന്ന് അവര്‍ പറഞ്ഞു. സംഘാടക സമിതി ചെയര്‍മാന്‍ എസ്.കെ. അബൂബക്കര്‍ അധ്യക്ഷത വഹിച്ചു. എം.കെ. രാഘവൻ എം.പി ഉപഹാരസമര്‍പ്പണം നടത്തി. തുടര്‍ന്ന് ഡോ. പി.ടി. സന്തോഷി​െൻറ നേതൃത്വത്തില്‍ കരിയര്‍ഗൈഡന്‍സ് ക്ലാസ് നടന്നു. സ്‌കൂള്‍ പ്രിന്‍സിപ്പൽ ഫാ. എം.എഫ്. ആേൻറാ, വൈബ്രൻറ് ജനറല്‍ കണ്‍വീനര്‍ സെബാസ്റ്റ്യന്‍ ജോണ്‍, മഹിള കോണ്‍ഗ്രസ് ജില്ല പ്രസിഡൻറ് പി. ഉഷാദേവി, സുധാകരന്‍ പറമ്പാട്ട്, ശ്രീകല, കെ.പി. അബ്ദുല്ലകോയ, ശ്രീകുമാര്‍ തുടങ്ങിയവര്‍ സംസാരിച്ചു. കോഒാഡിനേറ്റര്‍ എം. റിയാസ് സ്വാഗതവും ജിയോ ജെയ്‌സന്‍ നന്ദിയും പറഞ്ഞു.