നാദാപുരം നിയോജക മണ്ഡലത്തിൽ ആദ്യഘട്ടത്തിൽ 224 -ഹൈടെക്​ ക്ലാസ്​ മുറികൾ

നാദാപുരം: നിയോജക മണ്ഡലത്തിലെ സർക്കാർ, എയ്ഡഡ് ഹയർ സെക്കൻഡറി സ്‌കൂളുകളിലെ ക്ലാസ് മുറികൾ ഹൈടെക് ആക്കുന്നതിന് ഒന്നാംഘട്ട പ്രവൃത്തികൾ ആരംഭിച്ചതായി ഇ.കെ. വിജയൻ എം.എൽ.എ അറിയിച്ചു. നിയോജക മണ്ഡലത്തിൽ ഇതിനകം പശ്ചാത്തല സൗകര്യം ഒരുക്കിയ 324 -ക്ലാസ് മുറികളിൽ ആദ്യഘട്ടത്തിൽ 224 -എണ്ണമാണ് ഹൈടെക് ആക്കുന്നത്. സ്‌കൂളുകൾക്ക് ലാപ്ടോപ്പുകളും, േപ്രാജക്ടറുകളുമാണ് സർക്കാർ സൗജന്യമായി നൽകുന്നത്. നെറ്റ് സംവിധാനവും നൽകും. ഇതോടെ പാഠ ഭാഗങ്ങൾ ഇൻറർനെറ്റ് സൗകര്യങ്ങൾ ഉപയോഗപ്പെടുത്തി അധ്യാപകർക്കും, വിദ്യാർഥികൾക്കും കൈകാര്യം ചെയ്യാനാകും. 122 -ക്ലാസ് മുറികൾ രണ്ടാംഘട്ടത്തിൽ ഹൈടെക് ആകും. സ്‌കൂൾ പി.ടി.എ, നാട്ടുകാർ, സന്നദ്ധ സംഘടനകൾ എന്നിവയുമായി ചേർന്ന് പശ്ചാത്തല സൗകര്യം ഏർപ്പെടുത്തിയ സ്‌കൂളുകൾക്കാണ് 'കൈറ്റ്' പദ്ധതിക്കു കീഴിൽ ഹൈടെക് സംവിധാനങ്ങൾ ഒരുക്കുന്നത്. ഇതി​െൻറ ഭാഗമായി നടന്ന അവലോകന യോഗത്തിൽ ഇ.കെ. വിജയൻ എം.എൽ.എ അധ്യക്ഷത വഹിച്ചു. നിയോജക മണ്ഡലത്തിലെ ഹൈസ്‌കൂൾ പ്രധാനധ്യാപകരും, ഹയർ സെക്കൻഡറി പ്രിൻസിപ്പൽമാരും പങ്കെടുത്തു.