ലഹരി വിരുദ്ധ കാമ്പയിൻ സംസ്ഥാനതല ഉദ്ഘാടനം

മീഞ്ചന്ത: വർധിച്ചുവരുന്ന മദ്യം, മയക്കുമരുന്ന്, ലഹരി എന്നിവക്കെതിരെ സംസ്ഥാന എക്സൈസ് വകുപ്പുമായി സഹകരിച്ചു കാലിക്കറ്റ് എജുക്കേഷനൽ ചാരിറ്റബിൾ ട്രസ്റ്റ് തിരഞ്ഞെടുക്കപ്പെട്ട കോളജ് തലങ്ങളിൽ നടപ്പാക്കുന്ന ലഹരി വിരുദ്ധ കാമ്പയിനി​െൻറ സംസ്ഥാനതല ഉദ്ഘാടനം കോഴിക്കോട് മീഞ്ചന്ത ഗവ. ആർട്സ് ആൻഡ് സയൻസ് കോളജിൽ സംസ്ഥാന എക്സൈസ് കമീഷണർ ഋഷിരാജ് സിങ് ഉദ്ഘാടനം ചെയ്തു. ലഹരി വിരുദ്ധ സന്ദേശം സുധീർ കടലുണ്ടി നിർവഹിച്ചു. വിശിഷ്ടസേവന അവാർഡ് ജേതാക്കളായ സാലു ശിഹാബ്, ഉസ്മാൻ കോയ, ശിഹാബ് കുന്നുമ്മൽ, അഫ്സൽ അരീക്കാട് എന്നിവരെ ന്യൂനപക്ഷ സമിതി വൈസ് ചെയർമാൻ കെ.പി. മുഹമ്മദാലി പൊന്നാട അണിയിച്ചു. കോളജ് യൂനിയൻ ചെയർമാൻ ഹേമന്ത് വിജയ്, റിയാസ് മാത്തറ, ഡോ. മോൻസി മാത്യു, ഡോ. കെ. ബേബി ഷീബ, കെ. ശ്രീജിത്ത്, എം.സി. ശിഹാബുദ്ദീൻ മൗലവി എന്നിവർ സംസാരിച്ചു. കാലിക്കറ്റ് ചാരിറ്റബിൾ ട്രസ്റ്റ് ചെയർമാൻ സി.പി. മുഹമ്മദ് സകരിയ മൗലവി അധ്യക്ഷത വഹിച്ച പരിപാടിയിൽ ആർട്സ് കോളേജ് പ്രിൻസിപ്പൽ പി.എ. ശിവരാമകൃഷ്ണൻ സ്വാഗതവും കാലിക്കറ്റ് ചാരിറ്റബിൾ ട്രസ്റ്റ് സെക്രട്ടറി സെലു പാലക്കുളം നന്ദിയും പറഞ്ഞു.