അത്തോളി വില്ലേജ് ഓഫിസ് സ്വാതന്ത്ര്യസമര സ്മാരകമാക്കണം

അത്തോളി: അത്തോളിയിൽ നിർമിക്കുന്ന പുതിയ വില്ലേജ് ഓഫിസ് സ്വാതന്ത്ര്യസമര സ്മാരകമായി നിർമിക്കണമെന്ന് അത്തോളി പ്രസ്ഫോറം വാര്‍ഷിക ജനറൽ ബോഡി ആവശ്യപ്പെട്ടു. പ്രക്ഷോഭത്തി‍​െൻറ ഭാഗമായി ആദ്യഘട്ടത്തില്‍ അത്തോളിയിലുണ്ടായിരുന്ന കൊളക്കാട് അംശക്കച്ചേരിയും തുടര്‍ന്ന് ക്വിറ്റ് ഇന്ത്യ സമരകാലത്ത് വേളൂര്‍ അംശക്കച്ചേരിയും അഗ്നിക്കിരയാക്കപ്പെടുകയായിരുന്നു. ഫോറം പ്രസിഡൻറ് സത്യേന്ദ്രന്‍ അണ്ടിക്കോട് അധ്യക്ഷത വഹിച്ചു. പുതിയ ഭാരവാഹികളായി വിജി ചീക്കിലോട് (പ്രസി), ശിവാനന്ദൻ, (വൈസ് പ്രസി), സത്യേന്ദ്രൻ അണ്ടിക്കോട് (സെക്ര), ബഷീർ കൂനോളി (ജോ. സെക്ര), അനിൽ പുതിയേടത്ത് (ട്രഷ) എന്നിവരെ തെരഞ്ഞെടുത്തു.