എം.ഇ.ടി കോളജ് റാഗിങ്​: മൂന്ന്​ -വിദ്യാർഥികളെ കൂടി കേസിൽ ഉൾപ്പെടുത്തും

*ഇന്ന് ആൻറി റാഗിങ് സെല്ലി​െൻറ യോഗം നാദാപുരം: എം.ഇ.ടി കോളജ് റാഗിങ് സംഭവത്തിൽ കോളജിലെ മൂന്ന് സീനിയർ വിദ്യാർഥികളെക്കൂടി ഉൾപ്പെടുത്തി കോളജ് അച്ചടക്ക സമിതി പൊലീസിൽ റിപ്പോർട്ട് നൽകി. മൂന്നാം വർഷ ബിരുദവിദ്യാർഥികളായ ഷാഫി, ഹകീം, സയ്യിദ് എന്നിവരെ കൂടിയാണ് ഉൾപ്പെടുത്തിയത്. നേരത്തേ അഞ്ച് വിദ്യാർഥികളുടെ പേരിൽ കേസെടുത്തിരുന്നു. കേസിൽ റാഗിങ് വകുപ്പുകൂടി ഉൾപ്പെടുത്തുന്നതി​െൻറ ഭാഗമായി കഴിഞ്ഞദിവസം റാഗിങ്ങിന് വിധേയനായ നാദാപുരം കക്കംവെള്ളിയിലെ കുന്നുമ്മൽ ഷിനാസിൽനിന്ന് (19) മൊഴിയെടുത്തു. തിങ്കളാഴ്ച കോളജിൽ ആൻറി റാഗിങ് സെല്ലി​െൻറ അടിയന്തര യോഗം ഉച്ചക്ക് 2-.30ന് ചേരുമെന്ന് പ്രിൻസിപ്പൽ ഇ.കെ. അഹമ്മദ് അറിയിച്ചു.