സർക്കാർ സ്കൂളിന് പുതുമോടി; ഫീനിക്സ് ക്ലബിന് ആദരം

ചാലിയം: വട്ടപ്പറമ്പ് കടലുണ്ടി ഗവ. എൽ.പി സ്കൂൾ ചുറ്റുമതിലിന് പെയിൻറടിച്ചും പരിസരം ശുചീകരിച്ചും പുതുമോടി നൽകിയ ഫീനിക്സ് ക്ലബിന് ആദരം. കലാ-കായിക - സാംസ്കാരിക രംഗങ്ങളിൽ ശ്രദ്ധേയമായ ക്ലബിന് പി.ടി.എയും സ്റ്റാഫ് ക്ലബും ചേർന്നാണ് ആദരവ് നൽകിയത്. കടലുണ്ടി ഗ്രാമപഞ്ചായത്ത് പ്രസിഡൻറ് സി.കെ. അജയകുമാർ ഫീനിക്സ് സെക്രട്ടറി കെ.പി. ശ്രീജിത്തിന് ഉപഹാരം നൽകി. പി.ടി.എ പ്രസിഡൻറ് ടി. നൗഷാദ്, ബ്ലോക്ക് അംഗങ്ങളായ സി.എം. സതീദേവി, ദിനേശ് ബാബു അത്തോളി, വാർഡംഗം എം. ലിജുന, പ്രധാനാധ്യാപിക കെ. ലതിക, അഷ്റഫ് കാട്ടീരി എന്നിവർ സംസാരിച്ചു. finix club കടലുണ്ടി ഗ്രാമപഞ്ചായത്ത് പ്രസിഡൻറ് സി.കെ. അജയകുമാർ ഫീനിക്സ് സെക്രട്ടറി കെ.പി. ശ്രീജിത്തിന് ഉപഹാരം നൽകുന്നു