യൂത്ത്​ കോൺഗ്രസ്​ ജാഥയിൽ തമ്മിൽതല്ല്​; സമാപനം അ​ല​േങ്കാലമായി

തൊടുപുഴ: യൂത്ത് കോൺഗ്രസ് സംസ്ഥാന പ്രസിഡൻറ് ഡീൻ കുര്യാക്കോസ് നയിക്കുന്ന ജനജാഗ്രത സന്ദേശയാത്ര സമാപന വേദിയിൽ തമ്മിൽ തല്ല്. മുൻ ഡി.സി.സി പ്രസിഡൻറ് റോയി കെ. പൗലോസ് അനുകൂല വിഭാഗവും പി.ടി. തോമസ് എം.എൽ.എയെ അനുകൂലിക്കുന്ന വിഭാഗവും തമ്മിലാണ് തൊടുപുഴയിലെ സമാപന സമ്മേളന വേദിയിൽ ഏറ്റുമുട്ടിയത്. ഇവിടെ അധ്യക്ഷനായി തീരുമാനിച്ചിരുന്നത് യാത്രയുടെ സ്വാഗതസംഘം ചെയർമാനായ ഡി.സി.സി ജനറൽ സെക്രട്ടറി വി.ഇ. താജുദ്ദീനെയായിരുന്നു. എന്നാൽ, യൂത്ത് കോൺഗ്രസ് നിയോജക മണ്ഡലം പ്രസിഡൻറ് സാം ജേക്കബിനെ അധ്യക്ഷനാക്കണമെന്ന ആവശ്യമാണ് വാക്കേറ്റത്തിലേക്ക് എത്തിയത്. സ്റ്റേജിൽ വാക്കേറ്റമുണ്ടായതോടെ സമീപത്ത് നിന്നവർ സ്റ്റേജിലേക്ക് ഇരച്ചുകയറി. തുടർന്ന് ഇരുകൂട്ടരും ഏറ്റുമുട്ടി. ഡി.സി.സി ജനറൽ സെക്രട്ടറി താജുദ്ദീ​െൻറ ഷർട്ട് വലിച്ചുകീറി. യൂത്ത് കോൺഗ്രസ് നിയോജക മണ്ഡലം പ്രസിഡൻറ് സാം ജേക്കബി​െൻറ ഷർട്ടും വലിച്ചുകീറി. സംഭവം കൈവിട്ട് പോകുമെന്ന അവസ്ഥയിൽ എത്തിയതോടെ മുതിർന്ന നേതാക്കൾ ഇടപെട്ടു. യൂത്ത് കോൺഗ്രസ് സംസ്ഥാന വൈസ് പ്രസിഡൻറ് സി.ആർ. മഹേഷ്, ഡീൻ കുര്യാക്കോസ് എന്നിവർ ഇടപെട്ട് പ്രശ്‌നം പരിഹരിക്കുകയായിരുന്നു.