കീഴരിയൂർ ബോംബ്​ കേസ്​ പ്ലാറ്റിനം ജൂബിലി ഉദ്​ഘാടനം നാളെ

കീഴരിയൂർ ബോംബ് കേസ്: പ്ലാറ്റിനം ജൂബിലി ഉദ്ഘാടനം നാളെ കോഴിക്കോട്: ജില്ല കോണ്‍ഗ്രസ് കമ്മിറ്റിയും കീഴരിയൂര്‍ ബോംബ് കേസ് അനുസ്മരണ സമിതിയും ചേര്‍ന്ന് നടത്തുന്ന കീഴരിയൂര്‍ ബോംബ് കേസ് പ്ലാറ്റിനം ജൂബിലി ആഘോഷത്തി​െൻറ ഉദ്ഘാടനം ബുധനാഴ്ച വൈകിട്ട് മൂന്നിന് കീഴരിയൂര്‍ ഫ്രീഡം ഫൈറ്റേഴ്‌സ് സ്റ്റേഡിയത്തില്‍ മുന്‍ മുഖ്യമന്ത്രി ഉമ്മന്‍ചാണ്ടി നിര്‍വഹിക്കുമെന്ന് ഡി.സി.സി പ്രസിഡൻറ് ടി. സിദ്ധീഖ് വാർത്തസമ്മേളനത്തിൽ അറിയിച്ചു. മെഗാ മെഡിക്കല്‍ ക്യാമ്പ്, സ്വാതന്ത്ര്യസമര സേനാനി സംഗമം, സാംസ്‌ക്കാരിക സായാഹ്നം, മഹിള കോണ്‍ഗ്രസ് സമ്മേളനം, ദേശീയ സെമിനാര്‍ തുടങ്ങിയ പരിപാടികള്‍ നടക്കും. ബി.ജെ.പി, സി.പി.എം ഒത്തുതീര്‍പ്പ് രാഷ്ട്രീയത്തി​െൻറ ഉദാഹരണമാണ് പയ്യോളി മനോജ് വധക്കേസെന്നും അദ്ദേഹം ആരോപിച്ചു. വാര്‍ത്തസമ്മേളനത്തിൽ പ്രവീണ്‍കുമാര്‍, രാജേഷ് കീഴരിയൂര്‍, എടത്തില്‍ രാമചന്ദ്രന്‍ എന്നിവരും പങ്കെടുത്തു.