മതേതര മുന്നേറ്റത്തിന് കാമ്പസുകള്‍ കരുത്തേകണം ^എം.എം. ഹസന്‍

മതേതര മുന്നേറ്റത്തിന് കാമ്പസുകള്‍ കരുത്തേകണം -എം.എം. ഹസന്‍ കോഴിക്കോട്: രാജ്യെത്ത മതേതര മുന്നേറ്റത്തിന് കാമ്പസുകള്‍ കരുത്തേകണമെന്ന് കെ.പി.സി.സി പ്രസിഡൻറ് എം.എം. ഹസന്‍. കെ.എസ്.യു ജില്ല കമ്മിറ്റിയുടെ നേതൃത്വ പരിശീലന ക്യാമ്പ് ഉദ്ഘാടനം ചെയ്യുകയായിരുന്നു. കേന്ദ്രം ഭരിക്കുന്ന വര്‍ഗീയ ഫാഷിസ്റ്റ് ശക്തികളും കേരളത്തിലെ അക്രമ രാഷ്ട്രീയക്കാരും അവരുടെ വിദ്യാർഥി സംഘടനകളും കാമ്പസുകളെ അരാജകത്വത്തിലേക്ക് തള്ളിവിടുകയാണ്. കോണ്‍ഗ്രസിനെ സോഷ്യലിസ്റ്റ് ചേരിയില്‍ ഉറപ്പിച്ചു നിര്‍ത്തുന്നതില്‍ എക്കാലവും വിദ്യാർഥി -യുവനേതൃത്വം വഹിച്ച പങ്ക് വലുതാണ് -അദ്ദേഹം പറഞ്ഞു. ജില്ല പ്രസിഡൻറ് വി.ടി. നിഹാല്‍ അധ്യക്ഷനായിരുന്നു. കെ.എസ്.യു സംസ്ഥാന പ്രസിഡൻറ് കെ.എം. അഭിജിത്ത്, ഡി.സി.സി പ്രസിഡൻറ് ടി. സിദ്ദിഖ്, മുന്‍ പ്രസിഡൻറ് കെ.സി. അബു തുടങ്ങിയവര്‍ സംസാരിച്ചു.