സമരപ്പന്തൽ പൊളിച്ചുനീക്കി

കൊയിലാണ്ടി: നന്തി-ചെങ്ങോട്ടുകാവ് ബൈപാസ് വിരുദ്ധ കർമസമരസമിതിയുടെ സമരപ്പന്തൽ പൊളിച്ചുമാറ്റി. രാത്രിയാണ് സംഭവം. പൊലീസി​െൻറ നിർദേശപ്രകാരം പന്തലി​െൻറ ഉടമ അഴിച്ചുമാറ്റുകയായിരുന്നെന്നാണു പറയുന്നത്. താലൂക്ക് ആശുപത്രിക്കു മുന്നിൽ തിങ്കളാഴ്ച രാവിലെയാണ് സത്യഗ്രഹം തുടങ്ങിയത്. ഈ സ്ഥലത്ത് കോൺഗ്രസ് 20 ദിവസം പന്തൽ കെട്ടി സമരം നടത്തിയിരുന്നു. താലൂക്ക് ആശുപത്രിയുടെ പുതിയ കെട്ടിടം തുറന്നുകൊടുക്കണമെന്ന് ആവശ്യപ്പെട്ടായിരുന്നു സമരം. സമരം ഒത്തുതീരുന്നതുവരെ പ്രശ്നങ്ങൾ ഉണ്ടായിരുന്നില്ല.