07-/02/comments

Thampy Vg facebook.com/thampy.vg കുരീപ്പുഴക്കും കവിത ബാലകൃഷ്ണനും അഭിവാദ്യം ------------------------------------------------ ജാതിമതിൽ തകർക്കാനും ആൾദൈവങ്ങളുടെ പൊയ്മുഖങ്ങൾ പൊളിച്ചുമാറ്റാനും യുക്തിബോധമുള്ള ഒരു കേരളസമൂഹ നിർമിതിക്കുവേണ്ടി വാക്കുകളിൽ തീ നിറച്ച് മലയാളി ബോധത്തെ നിരന്തരം പ്രകോപിപ്പിച്ചുകൊണ്ടിരിക്കുന്ന കുരീപ്പുഴയെ പോലെ ധീരനായ മറ്റൊരു കവിയെ അധികം കണ്ടിട്ടില്ല. അതുകൊണ്ടുതന്നെ കഴുകന്മാരാൽ വേട്ടയാടപ്പെടാൻ ഭാഗ്യമുണ്ടായ കുരീപ്പുഴ മലയാളത്തിലെ എഴുത്തുകാരിൽ വേറിട്ടുനിൽക്കുന്നു. കുരീപ്പുഴക്കൊപ്പമെന്ന് പ്രഖ്യാപിച്ച് ചില ഫാഷിസ്റ്റ് വിരുദ്ധ പതിവ് ജൽപനങ്ങൾ നടത്തി നാം നമ്മുടെ പ്രതിഷേധങ്ങളെ ഒഴുക്കിവിടുകയാണ്. ഒന്നും നഷ്ടപ്പെടുത്താതെ സുരക്ഷിതവലയം തീർത്ത് വാക്കുകളിൽ വെറുതെ രോഷം നിറച്ചാൽ മതിയോ? അശാന്ത​െൻറ മരണാനന്തര ജീവിതത്തിലേൽപിച്ച അപമാനത്തിൽ പ്രതിഷേധിച്ച് കലാകാരിയായ കവിത ബാലകൃഷ്ണൻ ലളിതകല അക്കാദമി അംഗത്വം രാജിവെച്ചിരിക്കുന്നു. അതൊരു അപൂർവ നിലപാടാണ്. അത്തരം ധീര ത്യാഗമാണ്, സ്വയം തിരിച്ചറിവാണ് പ്രതിഷേധങ്ങളെ സത്യസന്ധമാക്കുന്നത്. ആധികാരികമാക്കുന്നത്. കുരീപ്പുഴക്കും കവിതക്കും അഭിവാദ്യങ്ങൾ... അതിനുമപ്പുറം അസഹിഷ്ണുതക്കെതിരെ ആവിഷ്കരിക്കാനുള്ള ചങ്കൂറ്റം ഇല്ലാതെ പോകുന്നതിനുള്ള ലജ്ജ നിറഞ്ഞ ഒരു ഖേദപ്രകടനം മാത്രമാണ് ഈ കുറിപ്പ്.