പച്ചക്കറികൃഷി വിളവെടുത്തു

കോക്കല്ലൂർ: കോക്കല്ലൂർ ഗവ. ഹയർ സെക്കൻഡറി സ്കൂൾ എൻ.എസ്.എസ് യൂനിറ്റും ഹയർ സെക്കൻഡറി സ്കൗട്ട് ട്രൂപ്പും സംയുക്തമായി നടത്തിയ പച്ചക്കറികൃഷി വിളവെടുപ്പുത്സവം ജില്ല പഞ്ചായത്ത് പ്രസിഡൻറ് ബാബു പറശ്ശേരി ഉദ്ഘാടനം ചെയ്തു. വാർഡ് മെംബർ എൻ.പി. നദീഷ് കുമാർ അധ്യക്ഷത വഹിച്ചു. പച്ചക്കറി ഇനങ്ങൾ സ്കൂളിലെ ഉച്ചഭക്ഷണത്തിനായി ഹെഡ്മാസ്റ്റർ സി. ഉണ്ണിക്ക് കൈമാറി. പ്രിൻസിപ്പൽ എം.കെ. ഗണേശൻ, പി.ടി.എ പ്രസിഡൻറ് പി. പ്രമോദ്, എൻ.എസ്.എസ് പി.എ.സി മെംബർ കെ.പി. അനിൽകുമാർ, എം.കെ. പ്രകാശ് വർമ, സി. മുഹമ്മദ്, ശ്രീകുമാർ, ഭാസ്കരൻ നായർ മീത്തലെചാലിൽ, മുകുന്ദൻ പുതിയോട്ടിൽ, ടി.കെ. ഭാസ്കരൻ, പവിത്രൻ എന്നിവർ സംസാരിച്ചു. ബ്ലസൻറ് തോമസ് മാത്യു, ചിന്മയ ലക്ഷ്മി, പ്രിയങ്ക, വിസ്മയ, അനുവിന്ദ്, നോബിൾ എസ്. രഞ്ജിത്ത് എന്നിവർ നേതൃത്വം നൽകി.