റോഡ്​ അറ്റകുറ്റപ്പണികൾ ആരംഭിച്ചു

നന്തിബസാർ: പൊട്ടിപ്പെളിഞ്ഞു കിടന്നിരുന്ന നന്തി കോടിക്കൽ ബീച്ച് റോഡി​െൻറ അറ്റകുറ്റപ്പണികളാരംഭിച്ചു. ബ്ലോക്ക് അംഗം മുഹമ്മദലിയുടെ ശ്രമഫലമായി 2017-18 വർഷത്തെ പദ്ധതിപ്രകാരം പന്തലായനി ബ്ലോക്ക് പഞ്ചായത്ത് അനുവദിച്ച ആറുലക്ഷം രൂപയുപയോഗിച്ചാണ് റോഡുപണി തുടങ്ങിയത്. റോഡിൽ മൂന്നു ബസുകൾ സർവിസ് നടത്തിയിരുന്നു. 'സർവിസ് പെൻഷൻകാർക്ക് ആരോഗ്യ ഇൻഷൂറൻസ് നടപ്പാക്കണം' മേപ്പയൂർ: സർവിസ് പെൻഷൻകാർക്ക് ആരോഗ്യ ഇൻഷൂറൻസ് പദ്ധതി ഉടൻ ആരംഭിക്കണമെന്നും, ശേഷിക്കുന്ന പെൻഷൻ കുടിശ്ശിക ഒന്നിച്ച് നൽകണമെന്നും കേരള സ്റ്റേറ്റ് സർവിസ് പെൻഷനേഴ്സ് യൂനിയൻ മേപ്പയൂർ യൂനിറ്റ് സമ്മേളനം ആവശ്യപ്പെട്ടു. മേലടി ബ്ലോക്ക് പഞ്ചായത്ത് പ്രസിഡൻറ് കെ. കുഞ്ഞിരാമൻ ഉദ്ഘാടനം ചെയ്തു. സി.കെ. ഇബ്രാഹിം അധ്യക്ഷത വഹിച്ചു. ഗ്രാമപഞ്ചായത്തംഗം ഷർമിന കോമത്ത്, സംസ്ഥാന കൗൺസിലംഗം തിക്കോടി നാരായണൻ, ജില്ല ട്രഷറർ എൻ.കെ. രാഘവൻ, എ. കേളപ്പൻ നായർ, ടി. സുമതി, എൻ.കെ. ബാലകൃഷ്ണൻ, എം.എം. കരുണാകരൻ, ഇ.എം. ശങ്കരൻ, കെ.വി. രാജൻ, പി. നാരായണൻ എന്നിവർ സംസാരിച്ചു. ഭാരവാഹികൾ: എ.കെ. ജനാർദനൻ (പ്രസി), ഇ.എം. ശങ്കരൻ (സെക്ര) പി.എം. ബാലകൃഷ്ണൻ (ട്രഷ). കൊഴുക്കലൂർ യൂനിറ്റ് ഭാരവാഹികൾ: എ.എം. കുഞ്ഞിരാമൻ (പ്രസി) വി. രവീന്ദ്രൻ (സെക്ര) വി. അച്യുത വാരിയർ (ട്രഷ).