സ്കൗട്ട്​സ് ആൻഡ്​ ഗൈഡ്​സ്​ മുക്കം ഉപജില്ല സഹവാസ ക്യാമ്പ് സമാപിച്ചു

ചേന്ദമംഗലൂർ: സ്കൗട്ട്സ് ആൻഡ് ഗൈഡ്സ് മുക്കം ഉപജില്ല അസോസിയേഷ​െൻറ ആഭിമുഖ്യത്തിൽ ചേന്ദമംഗലൂർ യു.പി സ്കൂളിൽ സംഘടിപ്പിച്ച ത്രിദിന ക്യാമ്പ് സമാപിച്ചു. വ്യക്തിത്വ വികാസം, സേവന സന്നദ്ധത, സർഗാത്മകത, നേതൃഗുണം, പ്രാഥമിക ശുശ്രൂഷ, രാജ്യസ്നേഹം തുടങ്ങിയ വിഷയങ്ങളിൽ വിദഗ്ധർ പരിശീലനം നൽകി. 200ഒാളം കാഡറ്റുകൾ പങ്കെടുത്ത ക്യാമ്പ് നഗരസഭ ചെയർമാൻ വി. കുഞ്ഞൻ ഉദ്ഘാടനം ചെയ്തു. നഗരസഭ വൈസ് ചെയർപേഴ്സൻ ഹരീദ മോയിൻകുട്ടി, കൗൺസിലർ എ. ഗഫൂർ, ബന്ന ചേന്ദമംഗലൂർ, കെ. സുരേന്ദ്രൻ, ടി.കെ. ജുമാൻ, ജില്ല അസോസിയേഷൻ അസി. സെക്ര കെ.എ. റസാഖ്, ഉപജില്ല സെക്രട്ടറി പി.എം. നാസർ, ക്യാമ്പ് ലീഡർ പുരുഷോത്തമൻ എന്നിവർ സംസാരിച്ചു. സി. മഹ്ജൂർ, എം.കെ. ശമീൽ, ചിന്തു രാജ്, സിസ്റ്റർ മരിയ, ഒ. നാദിയ, കെ. രമ, എം.ടി. സാദിയ, കെ.കെ. സ്വപ്ന, കെ.ടി. നൗഷാദ്, പി. മുസ്തഫ, ടി. സുഹൈൽ, ഇ.കെ. മൈമൂന, അസ്ലം എന്നിവർ നേതൃത്വം നൽകി.