പരപ്പില്‍ എം.എം. ഹൈസ്‌കൂള്‍ കായികമത്സരം

കുറ്റിച്ചിറ: പരപ്പില്‍ എം.എം. വൊക്കേഷനല്‍ ഹയര്‍ സെക്കന്‍ഡറി സ്‌കൂള്‍ ശതാബ്ദി ആഘോഷങ്ങളുടെ ഭാഗമായി എം.എം ഓള്‍ഡ് സ്റ്റുഡൻറ്സ് അസോസിയേഷ​െൻറ നേതൃത്വത്തില്‍ ഫെബ്രുവരി 11ന് സ്‌കൂള്‍ അങ്കണത്തില്‍ സംഘടിപ്പിക്കുന്ന 'ഓര്‍മ്മക്കൂട്ട്'പൂര്‍വവിദ്യാർഥി സംഗമത്തി​െൻറ മുന്നോടിയായി കായികമത്സരം സംഘടിപ്പിച്ചു. ബാസ്‌ക്കറ്റ് ബാള്‍ ത്രോ, ക്രിക്കറ്റ് സ്റ്റമ്പ് ത്രോ, കമ്പവലി, ബാള്‍ പാസിങ്ങ് തുടങ്ങിയ ഇനങ്ങളിലാണ് മത്സരം നടത്തിയത്. കെ. അബൂബക്കര്‍ കായിക മത്സരങ്ങള്‍ ഉദ്ഘാടനം ചെയ്തു. എം.എം. ഓള്‍ഡ് സ്റ്റുഡൻറ്സ് അസോസിയേഷന്‍ പ്രസിഡൻറ് സി.ബി.വി. സിദ്ദീഖ് അധ്യക്ഷത വഹിച്ചു. എം.ഇ.എം. പ്രസിഡൻറ് പി.കെ. അബ്ദുല്‍ അസീസ്, പി.വി. ഉസ്മാന്‍ കോയ, സ്‌പോര്‍ട്‌സ് വിങ് കൺവീനര്‍ തോപ്പില്‍ കോയ, അബൂബക്കര്‍, സി.പി. മാമുകോയ, ആദം കാതിരിയകത്ത്, അസോസിയേഷന്‍ ജനറല്‍ സെക്രട്ടറി എം.പി. ഇമ്പിച്ചമ്മദ് എന്നിവര്‍ സംസാരിച്ചു.