ചികിത്സ തുകയിലേക്കൊരു പങ്കുനൽകി വിദ്യാർഥികൾ മാതൃകയായി

അത്തോളി: ഇലാഹിയ ഇംഗ്ലീഷ് സ്കൂളിലെ വിദ്യാർഥികൾ നാടിന് മാതൃകയാവുന്നു. അത്തോളി പഞ്ചായത്തിലെ വൃക്ക രോഗികൾക്ക് ശസ്ത്രക്രിയക്ക് ആവശ്യമായ തുകയിലേക്കു ഒരു പങ്ക് നൽകിയാണ് മാതൃകയായത്. തുക വാർഷികാഘോഷ ചടങ്ങിൽ ഉപജില്ല വിദ്യാഭ്യാസ ഓഫിസർ മനോഹർ ജവഹർ ചികിത്സ സഹായ സമിതിക്ക് കൈമാറി. ചടങ്ങിൽ പഞ്ചായത്ത്‌ പ്രസിഡൻറ് ചിറ്റൂർ രവീന്ദ്രൻ, ഐനുൽഹുദ ഓർഫനേജ് പ്രസിഡൻറ് എം. അഹമ്മദ്‌ കോയ ഹാജി, സ്കൂൾ ചെയർമാൻ കെ. മൊയ്തീൻ കോയ, പ്രിൻസിപ്പൽ കെ.സി. അബ്ദുൾ അസീസ്‌, പി.ടി.എ പ്രസിഡൻറ് പി.വി. അഷ്‌റഫ്‌, എം.പി.ടി.എ ചെയർപേഴ്സൻ ഷീജ ശിവദാസ്‌ എന്നിവർ സംസാരിച്ചു.