വിദ്യാർഥികൾക്ക്​​ ധനസഹായം നൽകി

കൊടിയത്തൂര്‍: സംസ്ഥാന സര്‍ക്കാറി​െൻറ പ്രൈമറി എജുക്കേഷന്‍ പദ്ധതിയില്‍ കൊടിയത്തൂര്‍ ഗ്രാമപഞ്ചായത്തിലെ വിവിധ സ്കൂളുകളിലെ എട്ടാം ക്ലാസ് വരെയുള്ള പട്ടികജാതിക്കാരായ കുട്ടികള്‍ക്ക് 4,54,000 രൂപ വിതരണം ചെയ്തു. ബാഗ്, കുട, യൂനിഫോം, ചെരുപ്പ് , വാട്ടര്‍ ബോട്ടിൽ തുടങ്ങിയ സാധനങ്ങള്‍ വാങ്ങുന്നതിനാണ് ഈ തുക. പി.ടി.എം ഹൈസ്കൂളില്‍ നടന്ന ചടങ്ങില്‍ ഗ്രാമപഞ്ചായത്ത് പ്രസിഡൻറ് സി.ടി.സി. അബ്ദുല്ല ഉദ്ഘാടനം നിര്‍വഹിച്ചു. േബ്ലാക് പഞ്ചായത്ത് വൈ. പ്രസിഡൻറ് കെ.പി. അബ്ദുറഹിമാന്‍ അധ്യക്ഷത വഹിച്ചു. വാര്‍ഡ് മെംബർ സാബിറ തറമ്മല്‍, എസ്.സി. പ്രമോട്ടര്‍ സജ്ന, ഹെഡ്മാസ്റ്റർ കുര്യന്‍ , സലീം കൊളായ് എന്നിവർ സംസാരിച്ചു.