സ്നേഹ സാന്ത്വന കൂട്ടായ്മയിൽ നിർധന കുടുംബത്തിന് വീടൊരുങ്ങി

പെരുമണ്ണ: അറത്തിൽ പറമ്പ് സ്നേഹ സാന്ത്വനം െറസിഡൻറ്സ് അസോസിയേഷൻ പ്രവർത്തകരുടെ കൂട്ടായ്മയിൽ ദേവിക്കും കുടുംബത്തിനും തല ചായ്ക്കാൻ വീടൊരുങ്ങി. കാഴ്ച തകരാറുള്ള നവിട്ടുചുരകുന്നുമ്മൽ ദേവിയും രോഗികളായ ഭർത്താവും മകനും ചികിത്സക്കും നിത്യജീവിതത്തിനും പ്രയാസപ്പെടുന്നതിനിടയിലാണ് കൈത്താങ്ങായി െറസിഡൻറ്സ് പ്രവർത്തകരെത്തിയത്. മൂന്ന് സ​െൻറിൽ കൊച്ച് കൂരയിലായിരുന്നു താമസം. അസുഖത്തിനിടയിലും ദേവി കൂലപ്പണിയെടുത്താണ് ഭർത്താവിെനയും മകനെയും സംരക്ഷിക്കുന്നത്. ഐ.എ.വൈ പദ്ധതിയിലുൾപ്പെടുത്തി കുന്ദമംഗലം പഞ്ചായത്ത് രണ്ട് ലക്ഷം രൂപ അനുവദിച്ചിരുന്നു. ബാക്കി തുക െറസിഡൻറ്സ് പ്രവർത്തകരുടെ നേതൃത്വത്തിൽ കണ്ടെത്തുകയായിരുന്നു. വീടിന് പലരും ശ്രമദാനമായും നടത്തി. ബ്ലോക്ക് പഞ്ചായത്ത് പ്രസിഡൻറ് രമ്യ ഹരിദാസ് വീടി​െൻറ താക്കോൽ കൈമാറി. അസോസിയേഷൻ പ്രസിഡൻറ് ഹരിദാസ് പെരുമണ്ണ അധ്യക്ഷത വഹിച്ചു. ഗ്രാമ പഞ്ചായത്തംഗം മുതുവന നളിനി ടീച്ചർ, തേജസ് പെരുമണ്ണ, വിനു കൊളക്കാട്ടിൽ, രാജേഷ് കുമാർ അരങ്ങാത്ത് എന്നിവർ സംസാരിച്ചു.