കോഴിക്കോട് ലൈവ് മൂന്ന്....

തട്ടിപ്പിന് തലവെക്കാതിരിക്കാൻ *എ.ടി.എം കാർഡ് നഷ്ടപ്പെടാതെ സൂക്ഷിക്കുക, നഷ്ടപ്പെട്ടാലുടൻ പ്രത്യേക നമ്പറിൽ വിളിച്ചറിയിക്കുക. *ബാങ്ക് നൽകുന്ന രഹസ്യനമ്പർ ഉടൻ മാറ്റുക. എ.ടി.എമ്മുകളിൽ ഇതിനു സൗകര്യമുണ്ട്. *രഹസ്യനമ്പർ കാർഡിലോ, മറ്റുള്ളവർക്ക് കാണാവുന്നതരത്തിലോ എഴുതരുത്. *എ.ടി.എം ഉപയോഗം സ്വകാര്യമാക്കുക, തിരക്കുള്ളതും അജ്ഞാതരുള്ളതുമായ എ.ടി.എമ്മുകൾ ഒഴിവാക്കുക. *എ.ടി.എം ഉപയോഗിക്കുമ്പോൾ പാസ്്വേഡ് നൽകുമ്പോൾ മറ്റാരും ശ്രദ്ധിക്കുന്നില്ലെന്ന് ഉറപ്പുവരുത്തുക. *എ.ടി.എം പ്രവർത്തിപ്പിക്കാൻ അജ്ഞാതരുടെ സഹായം തേടാതിരിക്കുക. *എ.ടി.എം ഇടപാടുകളെ സംബന്ധിച്ചുള്ള വിവരങ്ങൾ കൃത്യമായി മൊബൈൽഫോണിലേക്ക് സന്ദേശമായി എത്താനു‍ള്ള സംവിധാനം ഒരുക്കുക. *ഓർക്കുക, എ.ടി.എം നമ്പർ, പിൻനമ്പർ, വൺ ടൈം പാസ്്വേഡ്(ഒ.ടി.പി) തുടങ്ങിയ വിവരങ്ങൾ അന്വേഷിച്ച് ബാങ്കിൽനിന്നും മറ്റും ആരും നിങ്ങളെ വിളിക്കില്ല. ഇത്തരം വിളികൾ തട്ടിപ്പാണെന്ന കാര്യം ശ്രദ്ധിക്കുക. *ഇടപാടിനുശേഷം കിട്ടുന്ന സ്ലിപ് കൈയിൽ സൂക്ഷിക്കുക, നിങ്ങൾ ഉപയോഗിച്ചതിനുള്ള തെളിവാണിത്. എന്തെങ്കിലും ആക്ഷേപമോ പരാതിയോ ഉണ്ടെങ്കിൽ ഹാജരാക്കാനുള്ളതാണ് ഈ സ്ലിപ്. *കേടായ മെഷീനിൽ ഇടപാട് നടത്താൻ ശ്രമിക്കരുത്, എന്തെങ്കിലും കാരണവശാൽ പണം കിട്ടിയില്ലെങ്കിൽ ബാങ്ക് അധികൃതരെ അറിയിക്കുക. *എ.ടി.എം പിൻ നമ്പർ ഇടക്കിടെ മാറ്റുക. *ഷോപ്പിങ്ങിന് സ്വൈപ് ചെയ്യുമ്പോൾ പിൻ നമ്പർ പറഞ്ഞുകൊടുക്കരുത്, പകരം നിങ്ങൾതന്നെ നമ്പർ അടിക്കുക. *എ.ടി.എം ഉപയോഗത്തിൽ പണം നഷ്ടപ്പെട്ടാൽ അധികൃതരെ ഉടൻ ബന്ധപ്പെടുകയും പരാതി നൽകുകയും ചെയ്യുക.