ഗായികയെ അപമാനിച്ച സംഭവം: പ്രതി ഒളിവിൽ

പരപ്പനങ്ങാടി: കാളികാവ് ഉത്സവത്തോടനുബന്ധിച്ച് നടന്ന ഗാനമേളക്കിടെ ഗായികയെ അപമാനിച്ചെന്ന പരാതിയിൽ പരപ്പനങ്ങാടി സ്വദേശി എ.പി. മിൻസാറിനെതിരെ (30) പരപ്പനങ്ങാടി പൊലീസ് കേസെടുത്തു. പ്രതി ഒളിവിലാണെന്ന് എസ്.ഐ എസ്. ഷമീർ പറഞ്ഞു. ഗാനമേളക്കിടെ സ്റ്റേജിൽനിന്ന് താഴേക്കിറങ്ങി പാടവെ കൈയിൽ കയറി പിടിച്ചതിനെത്തുടർന്ന് ഗായികയുടെ പരാതിയിലാണ് കേസ്. സമൂഹ മാധ്യമങ്ങളിലൂടെ ഗായിക നടത്തിയ വിഡിയോ വൈറൽ ആയതോടെയാണ് അന്വേഷണം ശക്തമാക്കിയത്.